އެމްއޭސީއެލްގެ ބޯޑަށް ސިޔާދު!
18 ޑިސެމްބަރު 2021 | ހޮނިހިރު 08:01ސިޔާދު އައްޔަން ކޮށްފައިވަނީ ޕީސީބީން
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ދަރިކަލުން އިބްރާހިމް ސިޔާދު ގާސިމް،
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ބޯޑަށް ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ދަރިކަލުން އިބްރާހިމް ސިޔާދު ގާސިމް އައްޔަންކޮށްފިއެވެ.
ސިޔާދަކީ ވިލާ ގުރޫޕުގެ މެނޭޖިން ޑިރެކްޓަރވެ. އެމްއޭސީއެލްގެ ބޯޑަށް ސިޔާދު އައްޔަންކޮށްފައިވަނީ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިންނެވެ. ޕީސީބީން ސިޔާދު ހަމަޖައްސާފައި ވަނީ ނޮން އެގްޒެކެޓިވް މެންބަރެއްގެ ގޮތުގައެވެ.
އެމްއޭސީއެލްގެ ބޯޑުގައި ޖުމްލަ ހަ މެމްބަރުން ތިއްބަވައެވެ. އެއީ ޗެއާމަން މުހައްމަދު އުމަރު މަނިކު، ޑިރެކްޓާ އިބްރާހިމް ނޫރައްދީން، ޑިރެކްޓަރ ޑރ. އިބްރާހިމް މަހަފޫޒް، ޑިރެކްޓާ އައިޝަތު އަރޫޝާ، ޑިރެކްޓަރ އަހުމަދު އީމާން މޫސާ އަދި ޑިރެކްޓާ ސިޔާދު ގާސިމެވެ.
ސިޔާދު އެމްއޭސީއެލްގެ ބޯޑަށް އައްޔަން ކޮށްފައިވާއިރު، ނޮވެންބަރު މަހުގެ 10 ވަނަ ދުވަހު އެމްއޭސީއެލްގެ ސީއީއޯ ގޯޑަން އެންޑްރޫ ސްޓުވާޓް ވަނީ މަގާމުން ދުރުކޮށްފައެވެ.
