ޕީޕީއެމްގެ އުޅަނދުބުރުގައި ހަމަނުޖެހުން ހިންގަން އުޅޭކަމުގެ މައުލޫމާތު ލިބުމުން އެހަރަކާތް ހުއްޓުވަނީ!
17 ޑިސެމްބަރު 2021 | ހުކުރު 11:32ޕީޕީއެމްއިން އުޅަނދުބުރު ރޭވީ 'އިންޑިއާ އައުޓް'ގެ ނަމުގައި
ރައީސް ޔާމީން މިނިވަން ވުމާއި ގުޅިގެން އެމަނިކުފާނުގެ ސަޕޯޓަރުން އުފާފާޅުކުރަނީ
ޕީޕީއެމްއިން އިންތިޒާމުކޮށްގެން ހުކުރު ދުވަހު ހަވީރު މާލޭގެ މަގުތަކުގައި ބޭއްވުމަށް ރާވާފައިވާ އުޅަނދުބުރުގައި ހަމަނުޖެހުން ހިންގަން އުޅޭކަމުގެ މައުލޫމާތު ލިބުމުން އެހަރަކާތް ކުރިއަށް ގެންދަން ފުރުސަތު ނުދޭނެކަމަށް ފުލުހުން ބުނެފިއެވެ.
ފުލުހުން ނެރުނު ނޫސްބަޔާނެއްގައި ބުނެފައިވަނީ މި ހަރަކާތުގައި ހަމަނުޖެހުން ހިންގަން އުޅޭކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ.
ފުލުހުން ބުނީ އާންމު މަސްލަހަތު ހިމާޔަތްކޮށް، އެއްވުންތަކުގެ ބައިވެރިންނާއި އެހެނިހެން ފަރާތްތައް ހިމެނޭގޮތުން، ސަލާމަތާއި ރައްކާތެރިކަން ފޯރުކޮށްދިނުމަކީ ފުލުހުންގެ ޒިންމާއަކަށް ވާއިރު، މިކަމުގެ ސަބަބުން އާންމު މަސްލަތަހަތު ގެއްލި، ސަލާމަތާއި ރައްކާތެރިކަމަށް ބުރޫއަރާފާނެ ގޮތަކަށް އުޅަނދުބު ކުރިއަށް ގެންދިއުމުގެ ފުރުސަތު ފުލުހުން ނުދޭނެކަމަށެވެ.
ޕީޕީއެމްއިން ވަނީ 'އިންޑިއާ އައުޓް'ގެ ނަމުގައި އުޅަނދުުބުރެއް ހުކުރު ދުވަހު ހަވީރު ކުރިއަށް ގެންދިއުމަށް ނިންމާފައެވެ. ރައީސް ޔާމީނު މިނިވަންވުމާއެކު ކޮންމެ ހުކުރު ދުވަހަކު އިދިކޮޅުން އަންނަނީ ހަރަކާތްތަކެއް ބާއްވަމުންނެވެ.
