ލޯކަލް ކައުންސިލް އިންތިހާބުގައި ވެރިކަން ކުރާ ޕީޕީއެެމްގެ ފަރާތުން ވާދަކުރާ ކެންޑިޑޭޓުނަން ޓިކެޓް ދިނުމަށް ބާއްވަން ނިންމާފައި އޮތް ޖަލްސާ މުއްދަތެއް ނެތް ގޮތަށް ފަސްކޮށްފިއެވެ.
ޕީޕީއެމުން ބުނީ "ހޭވައްލާ" ގެ ނަމުގައި ހޮނިހިރު ދުވަހު ކާނިވަލް ސަރައްދުގައި ބޭއްވުމަށް ނިންމާފައި އޮތް ޖަލްސާ އިންތިހާބު ބާއްވާ ތާރީހު އިލެކްޝަން ކޮމިޝަނުން ފަސްކުރުމުން ކަމަށެވެ.
ޕީޕީއެމުން ކުރިން ބުނެފައި ވަނީ އެ ޖަލްސާ ޝަރަފްވެރިކޮށް ދިނުމަށް ހަމަޖެހިފައި ވަނީ އެޕާޓީގެ މުސްތަޝާރު ރައީސް އަބްދުﷲ ޔާމީނު ކަމަށެވެ. އަދި 15،000 އަށް ވުރެ ގިނަ އާންމު މެމްބަރުން ބައިވެރިވާނެ ކަމަށް ވެސް ބުނެފައިވެ އެވެ.
އޭޕްރިލް މަހުގެ 8 ވަނަ ދުވަހު ބާއްވާން ނިންމާފައިވާ ކައުންސިލް އިންތިހާބު އިލެކްޝަން ކޮމިޝަނުން ވަނީ އެ މަހުގެ 15 ވަނަ ދުވަހަށް ފަސްކޮށްފައެވެ. އަދި އެ ކޮމިޝަނުން ވަނީ އިންތިހާބުގައި ވާދަކުރުމަށް ހުޅުވާލި މުއްދަތު ވެސް އިތުރުކޮށްފައެވެ.
މިއީ ކައުންސިލް އިންތިހާބު ފަސްކުރި ދެވަނަ ފަހަރެއެވެ. ޖެނުއަރީ 14 ވަނަ ދުވަހު ބޭއްވުމަށް ހަމަޖެހިފައިވާ އިންތިހާބު ފަސްކޮށްފައި ވަނީ ޕީޕީއެމަަށް ތައްޔާރު ނުވޭ ކަމަށް ބުނެ އެޕާޓީގެ ފަރާތުން ސިވިލް ކޯޓަށް ހުށައެޅި މައްސަލައާއި ގުޅިގެން އެ ކޯޓުން ނެރުނު އަމުރެއްގެ ދަށުނެވެ. ޕީޕީއެމްގެ އެތެރޭގައި ހިޔާލުތަފާތުވުން އެފެދި އެޕާޓީގައި ވަނީ ޕީޕީއެމްގެ މުސްތަޝާރު ރައީސް ޔާމީންގެ ފެކްސަނާއި ޕާޓީގެ ރައީސް އަދި ކުރީގެ ރައީސް މައުމޫނަން ތާއިދު ކުރާ ފެކްސަނެން އުފެދިފައެވެ. ރައީސް މައުމޫންގެ ފެކްޝަނުން ދަނީ ސަރުކާރުގެ ސިޔާސަތުތަކަށް ފާޅުގައި ފާނޑުކިޔަމުނެވެ. އަދި މިނިވަން މުވައްސަސާތަކުގެ މިނިވަންކަން ކަށަވަރުކުރުމަށް ރައީސް މައުމޫންގެ އެފެކްޝަނުން ގޮވާލަމުން ދާއިރު ޕާޓީގެ މުސްތަޝާރު ޕާޓީ ހިންގަމުން ދަނީ އަސާސީ ގަވައިދާ ހިލާފަތް ކަމަށް ވެސް ދަނީ ތަކުރާރުކޮށް ބުނަމުނެވެ.
