2019 ވަނަ އަހަރަށްވުރެ މިއަހަރުގެ ބެޑް ނައިޓް އިތުރު: ޑރ. މައުސޫމް
16 ޑިސެމްބަރު 2021 | ބުރާސްފަތި 18:121 މިލިއަން ފަތުރުވެރިން ގެނައުމުގެ އަމާޒަށް އޮކްޓޯބަރު މަހު ވަނީ ވާސިލްވެފައި
ފަތުރުވެރިން ރާއްޖެ އަންނަނީ
2019 ވަނަ އަހަރުގެ ބެޑް ނައިޓަށްވުރެ މިއަހަރުގެ ބެޑް ނައިޓްސް އިތުރުކުރެވިފައިވާކަމަށް ޓުއަރިޒަމް މިނިސްޓަރ ޑރ. އަބްދުﷲ މައުސޫމް ވިދާޅުވެއްޖެއެވެ.
ރާއްޖެޓީވީގެ ފަލަސުރުޚީ ޕްރޮގްރާމުގައި ބައިވެރިވެވަަޑައިގެން ވާހަކަދައްކަވަމުން މިނިސްޓަރ ވިދާޅުވީ, މިއަހަރަށް ބެޑް ނައިޓްގެ ގޮތުގައި ކަނޑައެޅި 10 މިލިއަން ބެޑްނައިޓްސްގެ އަމާޒަށް ވާސިލްވެވިފައިވާކަން ޑިސެމްބަރު މަހު ފެށުނުއިރު އިއުލާނުކޮށްފައިވާކަމަށެވެ. އެ އަމާޒަށް ވާސިލްވެވުމުން 2019 ވަނަ އަހަރު ހާސިލްކުރި 10.7 މިލިއަން ބެޑް ނައިޓްއަށްވުރެ ބެޑްނައިޓް އިތުރުކުރުމުގެ މަސައްކަތް ފަށާފައިވާކަމަށް މިނިސްޓަރ ވިދާޅުވިއެވެ. އަދި މިމަހުގެ 15ވަނަ ދުވަހު މި އަދަދު ކަޑައްތު ކުރެވިފައިވާކަމަށް މިނިސްޓަރ ވިދާޅުވިއެވެ.
މީގެ އިތުރުން މިއަހަރު ނިމުމުގެ ކުރިން 1.3 މިލިއަން ފަތުރުވެރިން ގެނައުމަށް ކަނޑައެޅި އަމާޒަށްވެސް, އަހަރު ނިމުމުގެ ކުރިން ވާސިލްވެވޭނެ ކަމުގެ ޔަގީންކަން މިނިސްޓަރ ވަނީ ދެއްވާފައެވެ. މިއަހަރަށް އެންމެ ފުރަތަމަ ކަނޑައެޅި 1 މިލިއަން ފަތުރުވެރިންގެ އަމާޒަށް އޮކްޓޯބަރު މަހުގެ ތެރޭގައި ވާސިލްވެވިފައިވާކަމަށް މިނިސްޓަރ ވިދާޅުވިއެވެ. އޭގެ ފަހުން 1.3 މިލިއަން ފަތުރުވެރިން ގެނައުމަށް އަމާޒު ހިފާފައިވާ ކަމަށާއި، މި އަމާޒަށްވެސް ވާސިލްވެވޭނެ ކަމަށް އެމަނިކުފާނު ވިދާޅުވިއެވެ.
ކޮވިޑް-19ގެ ހާލަތާ ގުޅިގެން ރާއްޖޭގެ ފަތުރުވެރިކަން އެއްކޮށް ހުއްޓާލަންޖެހުނެވެ. އެހެންނަމަވެސް ރާއްޖެއިން ފަތުރުވެރިކަން ކުރިއަރުވަން ކުރަންޖެހޭ މަސައްކަތްތައް ކުރުން ހުއްޓައެއް ނުލައެވެ. 2022 ވަނަ އަހަރަކީ ރާއްޖޭގެ ފަތުރުވެރިކަމުގެ ރަން އަހަރަށް ވާއިރު، ފަތުރުވެރިކަމުގެ ރަން އަހަރާ ރާއްޖެއިން ކުރިމަތިލަނީ ވަރަށް ބޮޑު ކާމިޔާބީއަކާއެކުއެވެ.
ކޮވިޑް-19އާއެކު ރާއްޖޭގެ ފަތުރުވެރިކަމުގެ ރިކަވަރީއަށް ކުރި މަސައްކަތުގައި ރާއްޖެއިން ވަނީ އަހަރަކަށްވުރެ އަހަރެއް ކުރިއަރައިދިއުމަށް އަމާޒުތައް ކަނޑައަޅާފައެވެ. މި އަމާޒުތަކާއެކު ކުރި މަސައްކަތުން ރާއްޖެއިން ވަނީ ވިދިވިދިގެން ދެއަހަރު ވޯލްޑް ޓްރެވަލް އެވޯޑްސްއިން ދޭ "ވޯލްޑް ލީޑިންގ ޑެސްޓިނޭޝަން" އެވޯޑުވެސް ކާމިޔާބުކޮށްފައެވެ.
