ހައިރައިޒް ކުންފުނީގެ ފަރާތުން ބާއްވަމުން އަންނަ މޯލްޑިވްސް ލިވިންގް އެކްސްޕޯގެ މި އަހަރުގެ މެއިން ސްޕޮންސަރ އަކަށް ކޮލަންބޯ ސިޓީ ސެންޓަރ ހަމަޖައްސައިފިއެވެ.

ލިވިންގް އެކްސްޕޯގެ ސްޕޮންސަރުންނާ އެކު އެއްބަސްވުމުގައި ސޮއި ކުރުމުގެ ރަސްމިއްޔާތު ބާއްވާފައިވަނީ ހޯމަ ދުވަހު ޗަންޕާ ސެންޓްރަލް ހޮޓެލްގައެވެ.

މި ރަސްމިއްޔާތުގައި ވާހަކަ ދައްކަވަމުން ކޮލަންބޯ ސިޓީ ސެންޓަރގެ ޖެނެރަލް މެނޭޖަރ ނިރުޕާ ޕެއިރިސް ވިދާޅުވީ ބޭންކުތަކާއެކު އީޒީ ޕޭމަންޓު ހަމަޖެއްސޭނެ ގޮތްތައް މަޝްވަރާ ކުރައްވަމުން ގެންދަވާ ކަމަށެވެ.

މި އިވެންޓުގެ ކޯ ސްޕޮންސަރުންނަށް އަލް ޓަޔާ, ކޮރަލް ގުލޮވަޑް ހަމަޖައްސާފައިވާއިރު ހޮސްޕިޓަލިޓީ ޕާޓްނަރެއްގެ ގޮތުގައި ހަމަޖައްސާފައިވަނީ ޗަންޕާ ސެންޓްރަލް ހޮޓެލްއެވެ.

ބޮރޯޑްކާސްޓިން ޕާޓްނަރެއްގެ ގޮތުގައި ޗެނެލް 13 ހަމަޖައްސާފައިވާއިރު އޮންލައިން މީޑިއާ ޕާޓްނަރަކީ ސަން އޮންލައިނެވެ.

ސެޓަޕް ޕާޓްނާއެއްގެ ގޮތުގައި އަސަރީ ސާރވިސަސް ހަމަޖައްސާފައިވާއިރު ޕަޕްލިކޭޝަން ޕާޓްނަރެއްގެ ގޮތުގައި ހަމަޖައްސާފައިވަނީ ވަނީ އައިލެންޑް ޗެފްއެވެ.

ސެކިއުރިޓީ ޕާޓްނާއެއްގެ ގޮތުގައި ދަ ގޭޖް ހަމަޖައްސާފައިވާއިރު ޕްރިންޓް ޕާޓްނަރަކަށް ޕްރިންޓް ލެބް ވަނީ ހަމަޖައްސާފައެވެ.  

މީގެ އިތުރުން ޑިޖިޓަލް ކޮމިއުނިކޭޝަން ޕާޓްނަރަކަށް ވަނީ ދިރާގު ހަމަޖައްސާފައެވެ.

ހައިރައިޒް ކުންފުނީގެ ޖެނެރަލް މެނޭޖަރ މުހައްމަދު ޝާމިން ވިދާޅުވީ މިފަހަރުގެ އެގްޒިބިޝަންގައި ރާއްޖެ އާއި ރާއްޖޭއިން ބޭރުގެ ރިއަލްސްޓޭޓް ހިދުމަތް ފޯރުކޮށްދޭ އަދި އެ ފަރާތްތަކަށް ބޭނުންވާ ހިދުމަތްތައް ފޯރުކޮށްދޭ ފަރާތްތައް ކަމަށެވެ.

ރާއްޖެ އާއި ރާއްޖޭން ބޭރުގެ 28 ކުންފުންޏަކުން މި އަހަރުގެ ލިވިންގް އެކްސްޕޯ ބައިވެރިވާއިރު  އެކްސްޕޯ ބޭއްވުމަށް ހަމަޖެހިފައިވަނީ ފެބްރުއަރީ މަހުގެ 15 އިން 17 އަށް ނެޝެނަލް އާރޓް ގެލަރީގައެވެ.

މޯލްޑިވްސް ލިވިންގް އެކްސްޕޯ އަކީ ގެދޮރާ ބެހޭ މުހިންމު މައުލޫމާތުތަކެއް އެއް ސަރަހައްދަކުން ލިބިގެންދާ އެކްސްޕޯއެކެވެ.