ބުދަ 03 ޖޫން 2020
01 މިއަހެލި
1441 ޝައްވާލް 11
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:16
އިޝާ 19:34
ގްރޭންޑް ޕާރކް ކޮށްދިއްޕަރު

ގްރޭންޑް ޕާރކް ކޮށްދިއްޕަރު މިއަހަރުގެ ތެރޭގައި ހުޅުވަނީ

  • 20 މިނިޓްގެ ތެރޭގައި ސްޕީޑް ބޯޓުގައި މިރިސޯޓައް ދެވޭނެ

ކ. މާލެ | 28 މާރޗް 2017 | އަންގާރަ 22:35 | 7,371

ގްރޭންޑް ޕާރކް ކޮށްދިއްޕަރު - ގޫގުލް

ސިންގަޕޯރގެ މަޝްހޫރު ޕާރކް ހޮޓެލް ގުރޫޕުން ރާއްޖޭގެ ފަތުރުވެރިކަމުގެ ދާއިރާގެ ތެރެއަށް ވަދެ ތަރައްޤީ ކުރާ ފުރަތަމަ ރިސޯޓް މިއަހަރުގެ ތެރޭގައި ހުޅުވުމަށް ނިންމައިފި އެވެ.

 

ގްރޭންޑް ޕާރކް ކޮށްދިއްޕަރުގެ ނަމުގައި ހުޅުވާ މިރިސޯޓަކީ ވެލާނާ އިންޓަރނޭޝަނަލް އެއަރޕޯޓުން ފުރައިގެން 20 މިނިޓްގެ ތެރޭގައި ސްޕީޑް ބޯޓުގައި ދެވޭ ރިސޯޓެކެވެ.

 

މި ރިސޯޓް ޑިޒައިންކޮށްފައިވަނީ ޑިސައިނިންގައި ދުނިޔޭގެ މަޝްހޫރު ފާރމެއް ކަމަށްވާ ހާރޝްބެޑްނަރ އެސޯސިއޭޓްސްއިންނެ އެވެ.

 

120 ވިލާ ހިމެނޭ ގޮތަށް ފަރުމާކޮށްފައިވާ މިރިސޯޓުގައި ބީޗް ވިލާއާއި އޯވަރ ވޯޓަރ ޕޫލް ވިލާގައި ޕްރައިވެޓް ޕޫލްވެސް ހުންނަ ކަމަށެވެ.

 

މި ރިސޯޓުގައި ގޯމެޓް ދެ ރެސްޓޯރަންޓާއި، ހާބަރ ބީޗް ކްލަބަކާއި ސްވިމިން ޕޫލް ފިޓްނަސް ސެންޓަރަކާއި ޑައިވިން ސެންޓަރަކާއި ވެލް ސެންޓަރވެސް ހިމެނެއެވެ.

 

 މީގެ އިތުރުން ކުޑަކުދިންނަށް އެކްޓިވިޓީ ސެންޓަރެއް ވެސް ވަނީ ޤާއިމްކޮށްފައެވެ.  ޕާރކް ހޮޓެލް ގުރޫޕަކީ 1961 ވަނަ އަހަރު އުފެދުނު މި ގުރޫޕަކީ އޭޝިޔާ ޕެސިފިކްގެ އެންމެ ފާހަގަކޮށްލެވޭ ކުރިއަރާފައިވާ ގުރޫޕެކެވެ.

 

ދުނިޔޭގެ 8 ގައުމެއްގެ އެގާރަ ސިޓީއެއްގައި ޕާރކް ހޮޓެލް ގުރޫޕުގެ ޕްރޮޕަޓީސްތައް ހުރެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.