ށ.މިލަންދޫ މަގުތަށް ޒަމާނީ ފެންވަރަށް ތަރައްޤީ ކުރުމުގެ މަޝްރޫޢޫގެ ދަށުން، މަގުތަކުގައި ތާރު އެޅުމުގެ ކުރީން ޤާއިމްކުރަންޖެހޭ ފެންހިންދާ ނިޒާމް ޤާޢިމް ކުރުމަށް ބޭނުންވާ ތަކެތި އެރަށަށް ގެންގޮސްފި އެވެ.
މިއީ މިނިސްޓްރީ އޮފް ނޭޝަނަލް ޕުލޭނިންގ، ހައުސިންގ އެންޑް އިންފްރާ ސްޓްރަކްޗާރ ގެ ފަރާތުން ރޯޑް ޑިވަލޮޕްމެންޓް ކޯޕަރޭޝަން(އާރް.ޑީ.ސީ) އާއި ހަވާލުކުރެވުނު މަޝްރޫޢު އެކެވެ.މި މަޝްރޫޢަކީ 156.4މިލިޔަން ރުފިޔާގެ މަޝްރޫޢު އަކަށް ވާއިރުގައި، މިމަޝްރޫޢުގެ ދަށުން ޖުމްލަ 6.15 ކިލޯމީޓަރުގެ މަގު ޒަމާނީ ފެންވަރަށް ތަރައްޤީ ކުރުމަށްވަނީ ހަމަޖެހިފައި އެވެ
ޕްލޭނީންގެ މިނިސްޓްރީގެ ފަރާތުން އާރް.ޑީ.ސީ އާއި މި މަޝްރޫޢު ހަވާލުކޮށްފައިވަނީ 2020 ވަނަ އަހަރުގެ މާރިޗު މަހުގެ 12 ވަނަ ދުވަހުއެވެ. މި މަޝްރޫޢުގެ އަމަލީ މަސައްކަތް 2021 ވަނަ އަހަރުގެ ޑިސެމްބަރު މަސްތެރޭގައި ފަށާފައިވާއިރު، މަސައްކަތް 520 ދުވަހުގެ ތެރޭގައި ނިންމުމަށް ވަނީ ހަމަޖެހިފައިއެވެ.
