ރާއްޖޭގެ ތަރައްޤީގެ މަޝްރޫޢުތަކަށް އައިޑީބީން 117 މިލިއަން ރުފިޔާ ދެނީ
ފިނޭންސް އިން ބުނީ މިއީ މިނިސްޓަރ ކުރެއްވި ދަތުރުން ހަމަޖެހުނު އެހީއެއް ކަމަށް
ފިނޭންސް މިނިސްޓަރ ރައްޔިތުންގެ މަޖިލީހުގައި
ރާއްޖޭގެ ތަރައްޤީއަށް ސަރުކާރުން ހިންގާ އެކި މަޝްރޫއުތަކަށް އިސްލާމިކް ޑިވެލޮޕްމަންޓް ބޭންކް (އައިޑީބީ) އިން 117 މިލިއަން ޑޮލަރު (1.8 ބިލިއަން ރުފިޔާ) ގެ އެހީ ދޭން ނިންމާފައިވާ ކަމަށް ފިނޭންސް މިނިސްޓްރީން ހޯމަ ދުވަހު ބުނެފިއެވެ.
އެ މިނިސްޓްރީން ބުނެފައިވަނީ އައިޑީބިން އެހީދޭން ނިންމާފައިވަނީ ފިނޭންސް މިނިސްޓަރު އަޙުމަދު މުނައްވަރު މި މަހުގެ 16ން 21 އަށް އައިޑީބީގެ އަހަރީ ބައްދަލުވުމުގައި ބައިވެރިވެ ވަޑައިގަތުމަށް ކުރެއްވި ދަތުރުގައި ކުރެއްވި މަޝްވަރާތަކަށް ފަހު ކަމަށެވެ.
އެ މިނިސްޓްރީން ބުނިގޮތުގައި އައިޑީބީ ގްރޫޕުން ފައިނޭންސް ކުރަން ހަމަޖެހިފައިވާ ދާއިރާތަކުގެ ތެރޭގައި ރާއްޖޭގެ އުމްރާނީ ތަރައްގީގެ މަޝްރޫއުތަކާއި ކުނި ނައްތާލުމުގެ މަޝްރޫޢުތައް ހިމެނެއެވެ.
ފިނޭންސް މިނިސްޓްރީން ބުނީ އެ އެހީ ހަމަޖެހުނީ އެ ބޭންކުގެ އަހަރީ ބައްދަލުވުމުގެ ހަވާސާގެ ތެރެއިން މިނިސްޓަރު މުނައްވަރު އައިޑީބީ ހިމެނޭ އިންސްޓިޓިއުޓް ތަކާއެކު ބޭއްވިެވި ބައްދަލުކުރެއްވުންތަކަށް ފަހު ކަމަށެވެ. އެ ގޮތުން އައިޑީބީގެ ރައީސް ޑރ. ބަންޑާރު އެމްއެޗް ހައްޖާރާއެކު މިނިސްޓަރު ބޭއްވި ބައްދަލުވުމުގައި ރާއްޖޭގައި މިހާރު ކުރިއަށް ގެންދާ މުހިންމު މަޝްރޫއުތަކުގެ މައުލޫމާތު ހިއްސާކުރެއްވި ކަމަށް ވެސް ފިނޭންސް މިނިސްޓްރީން ބުންޏެވެ.
