ރާއްޖެއިން ކޮވިޑް-19ށް ޕޮޒިޓިވްވީ މީހުންގެ ޖުމްލަ އަދަދު 92،095ށް އަރައިފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު ފާއިތުވި 24 ގަޑިއިރު ކޮވިޑަށް ޕޮޒިޓިވްވެފައިވަނީ 102 މީހުންނެވެ. އެއީ މާލެ ސަރަހައްދުން 25 މީހުންނާއި އަތޮޅުތަކުން 72 މީހުންނެވެ. އަދި ހިނގަމުންދާ ރިސޯޓްތަކުން 5 މީހުންވަނީ ކޮވިޑަށް ޕޮޒިޓިވް ވެފައެވެ. ރާއްޖެއިން 90،103 މީހުން ވަނީ ބަލިން ފަސޭހަ ވެފައެވެ. މިހާރު އެކްޓިވް ކޭހުގެ ގޮތުގައި ގުނަމުން އަންނަނީ 1726 ކޭހެވެ. މީގެތެރެއިން 19 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.

253 މީހަކު ވަނީ މިބަލީގައި ނިޔާވެފައެވެ.