ފާއިތުވި 24 ގަޑިއިރު އަތޮޅުތެރެއިން 117 މީހުން ކޮވިޑަށް ޕޮޒިޓިވްވެއްޖެ
މިވަގުތު ފަރުވާދެމުން އަންނަނީ 1716 މީހަކަށް
އާއިޝަތު ޝިއުރާ | 2 ޑިސެމްބަރު 2021 | ބުރާސްފަތި 17:18
ކޮވިޑްއަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރު ރާއްޖެއިން 143 މީހުން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ މީގެތެރެއިން 117 މީހުން ޕޮޒިޓިވްވެފައިވަނީ އަތޮޅުތެރެއިން ކަމަށެވެ. މާލެ ސަރަހައްދުން 22 މީހުން ޕޮޒިޓިވްވިއިރު ހިންގަމުންދާ ރިސޯޓްތަކުން 4 މީހުން ވަނީ ޕޮޒިޓިވްވެފައެވެ. މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 91،893ށް އަރާފައެވެ. މީގެތެރެއިން 89،913 މީހުން ވަނީ ބަލިން ރަނގަޅުވެފައެވެ. މިވަގުތު ފަރުވާދެމުން އަންނަނީ 1716 މީހަކަށެވެ. މީގެތެރެއިން 13 މީހަކަށް ހޮސްޕިޓަލްތަކުގައި އެޑްމިޓްކޮށްގެން އަންނަނީ ފަރުވާދެމުންނެވެ.
ރާއްޖޭގައި 251 މީހަކު ވަނީ މިބަލީގައި ނިޔާވެފައެވެ.
