ރާއްޖެއިން އިތުރު 100 މީހުން ކޮވިޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރު ކޮވިޑަށް ޕޮޒިޓިވްވި 100 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 26 މީހުންނެވެ. އަތޮޅުތަކުން 70 މީހުން ކޮވިޑަށް ޕޮޒިޓިވްވެފައިވާއިރު ހިންގަމުންދާ ރިސޯޓްތަކުން 4 މީހުން ވަނީ ޕޮޒިޓިވްވެފައެވެ. މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 91،750ށް އަރާފައެވެ. ބަލިން ރަނގަޅުވެފައިވަނީ 89،813 މީހުންނެވެ. މިވަގުތު ބަލިޖެހިގެން 1673 މީހަކަށް އަންނަނީ ފަރުވާދެމުންނެވެ. މީގެތެރެއިން 14 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.

ރާއްޖެއިން މިހާތަނަށް 251 މީހުން ވަނީ މިބަލީގައި ނިޔާވެފައެވެ.