ރާއްޖެ
ކޮވިޑް ޖެހިގެން މީހަކު މަރުވުން
ރާއްޖޭގައި ކޮވިޑްގެ އިތުރު މަރެއް
މިއީ މިބަލީގައި ރާއްޖެއިން ނިޔާވި 251 ވަނަ މީހާ
އައިޝަތު ރަފާ އަހުމަދު, ރާއްޖެ އެމްވީ | 1 ޑިސެމްބަރު 2021 | ބުދަ 17:32
ކޮވިޑުގައި ނިޔާވާ މީހުން ވަޅުމަށް ޚާއްސަ ކުރެވިފައިވާ ހުޅުމާލެ ސަހަރާ
ކޮވިޑް-19 ބަލީގައި ރާއްޖެއިން އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ބުދަ ދުވަހުގެ މެންދުރު ފަހު 02:55ގައި ފުވައްމުލަކު ކޮވިޑް މެނޭޖްމަންޓް ފެސިލިޓީގައި ފަރުވާދެމުން ގެންދިޔަ 79 އަހަރުގެ ދިވެހި އަންހެނަކު ނިޔާވެފައިވާ ކަމަށެވެ.
މިހާތަނަށް މި ބަލީގައި ރާއްޖެއިން 251 މީހުން ނިޔާވެފައިވާއިރު، މިއީ މި މަހު މިބަލީގައި ނިޔާވި ފުރަތަމަ މީހާއެވެ.
މި ބަލީގައި އެންމެ ފަހުން މީހަކު ނިޔާވެފައިވަނީ ނ އަތޮޅު ހޮސްޕިޓަލުގައި ކޮވިޑަށް ފަރުވާ ހޯދަނިކޮށް އުމުރުން 54 އަހަރުގެ ދިވެހި އަންހެނެކެވެ. އެމީހާ ނިޔާވެފައިވަނީ މިދިޔަ މަހުގެ 29 ވަނަ ދުވަހުއެވެ.
