ފާއިތުވި 24 ގަޑިއިރު ރާއްޖެއިން ކޮވިޑަށް ޕޮޒިޓިވްވީ 107 މީހުން
މިވަގުތު ފަރުވާ ހޯދަމުން އަންނަނީ 1613 މީހުން
ކޮވިޑްއަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރު ރާއްޖެއިން ކޮވިޑް-19ށް 107 މީހުން ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު, ޕޮޒިޓިވްވި 107 މީހުންގެ ތެރެއިން މާލެ ސަރަހައްދުން ޕޮޒިޓިވްވީ 24 މީހުންނެވެ. އަތޮޅުތަކުން 74 މީހުން ޕޮޒިޓިވްވިއިރު ހިންގަމުންދާ ރިސޯޓްތަކުން 9 މީހުން ވަނީ ޕޮޒިޓިވްވެފައެވެ. މިއާއެކު މުޅި ރާއްޖެއިން ކޮވިޑަަށް ޕޮޒިޓިވްވީ މީހުންގެ ޖުމްލަ އަދަދު ވަނީ 91،650ށް އަރާފައެވެ. މީގެތެރެއިން 89،774 މީހުން ބަލިން ރަނގަޅުވެފައިވާއިރު މިވަގުތު ފަރުވާ ހޯދަމުން އަންނަނީ 1613 މީހުންނެވެ. 11 މީހަކަށް ހޮސްޕިޓަލްތަކުގައި އެޑްމިޓްކޮށްގެން އަންނަނީ ފަރުވާދެމުންނެވެ.
މިހާތަނަށް 250 މީހުން ވަނީ މިބަލީގައި ނިޔާވެފައެވެ.
