ކ. މާލެ
|
27 ނޮވެންބަރ 2021 | ހޮނިހިރު 21:53
ދެކުނު އެފްރިކާގެ އޯ.އާރު ޓެމްބޯ އިންޓަރނޭޝަނަލް އެއަރޕޯޓް
ދެކުނު އެފްރިކާގެ އޯ.އާރު ޓެމްބޯ އިންޓަރނޭޝަނަލް އެއަރޕޯޓް
ސޯޝަލް މީޑިއާ
އޮމިކްރޯން ވޭރިއަންޓް
އިނގިރޭސިވިލާތުން އޮމިކްރޯން ވޭރިއަންޓް ފެނިއްޖެ
 
އިނގިރޭސިވިލާތުން ވަނީ ދެކުނު އެފްރިކާގެ އިތުރު 4 ގައުމެއް "ރެޑް ލިސްޓަށް" ލާން ނިންމާފައި
 
އިނގިރޭސިވިލާތުން މި ވޭރިއަންޓުގެ ދެ ކޭސްއެއް ވަނީ ފެނިފައި

ދެކުނު އެފްރިކާގައި ފެތުރެމުންދާ އޮމިކްރޯން ވޭރިއަންޓުގެ ދެ ކޭސްއެއް އިނިގިރޭސިވިލާތުން ފެނިއްޖެއެވެ.

ޔޫކޭ ހެލްތު ސެކިއުރިޓީ އެޖެންސީއިން ބުނީ، ދެކުނު އެފްރިކާއަށް ދަތުރުކޮށްފައިވާ ދެ މީހެއްގެ ގައިން އޮމިކްރޯން ވޭރިއަންޓު ފެނިފައިވާކަމަށެވެ. އެކަކު ޕޮޒިޓިވްވެފައިވަނީ ނޮޓިންހަމްއިންނެވެ. އަދި ދެވަނަ ކޭސް ފެނިފައިވަނީ ޗެމްސްފޯޑުންނެވެ.

މި ދެކޭސް ފެނުމާއެކު އެ ގައުމުގައި ކޮންޓެކްޓް ޓްރޭސިންގެ މަސައްކަތް ކުރަމުންދާކަމަށް އެގައުމުގެ ހެލްތު ސެކްރެޓަރީ ސާޖިދް ޖާވިދް ވިދާޅުވެފައިވާކަމަށް ރިޕޯޓުކޮށްފައިވެއެވެ. އަދި ބައެއް މީހުން އަމިއްލައަށް އައިސޮލޭޓް ވަމުންދާކަމަށް ބުނެފައިވެއެވެ.

އަދި އާދިއްތަ ދުވަހުގެ 4:00އިން ފެށިގެން އެފްރިކާގެ އިތުރު 4 ގައުމެއް އިނގިރޭސިވިލާތުގެ "ރެޑް ލިސްޓަށް" އިތުރުކުރުމަށް އެގައުމުގެ ސަރުކާރުން ނިންމާފައިވާކަމަށް ސާޖިދް ވިދާޅުވިއެވެ. އެ ގައުމުތަކަކީ މަލާވީ، މޮޒަމްބީކް، ޒެމްބިއާ އަދި އަންގޯލާއެވެ. އިނގިރޭސިވިލާތުން މިހާރުވެސް ވަނީ ދެކުނު އެފްރިކާގެ 6 ގައުމަކުން އެގައުމަށް ދަތުރުކުރުން މަނާކޮށްފައެވެ.

އިނގިރޭސިވިލާތުގެ އިތުރުން މިހާތަނަށް މި ވޭރިއަންޓް ފެނިފައިވާ ގައުމުތަކަކީ; ބެލްޖިއަމް، ޖަރމަނީ، ޗެކް ރިޕަބްލިކް، ބޮޓްސްވާނާ، ހޮންގްކޮންގް އަދި އިސްރާއީލްއެވެ.

މިހާތަނަށް އައިއިރު ގިނަ ގައުމުތަކަކުން ވަނީ ދެކުނު އެފްރިކާއަށް ކުރާ ދަތުރުތައް މެދުކަނޑާލާފައެވެ. މި ގައުމުތަކުގެ ތެރޭގައި ދިވެހިރާއްޖެވެސް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
100%
0%
0%
0%
ކޮމެންޓް
ގުޅުންހުރި