އިސްރާއީލުން ސީރިއާއަށް ދިން ވައިގެ ހަމަލާގައި ސީރިއާގެ އާންމުންގެ ދެ މީހުން މަރުވެ ސިފައިންގެ ހަ މީހުން ޒަޚަމްވެއްޖެއެވެ.
ރިޕޯޓްތައް ބުނާ ގޮތުން އިސްރާއީލުން ދިން ވައިގެ ހަމަލާތައް ސީރިއާގެ ދެ ސަރަހައްދަކަށް އަމާޒުވެފައިވާއިރު، އެ ހަމަލާތަކުގައި އާންމުންގެ ދެ މީހަކު ވަނީ މަރުވެފައެވެ. އަދި އާންމުންގެ އިތުރު ބަޔަކަށާއި، ސީރިއާ ސިފައިންގެ ހަ މީހަކު ޒަޚަމްވެފައިވާ ކަމަށް ރިޕޯޓްތައް ބުނެއެވެ.
ސީރިއާގެ އަސްކަރީ އޮފިޝަލަކު ވިދާޅުވީ އިސްރާއީލު ސިފައިންގެ ހަނގުރާމަމަތީ މަތިންދާ ބޯޓްތަކުން މިސައިލްތައް އުދުއްސާލީ ލުބުނާންގެ މަތިން ދަތުރުކޮށްފައިދަމުން ކަމަށް ބެލެވޭ ކަމަށެވެ.
މި ހަމަލާއާ ގުޅިގެން އިސްރާއީލުން މިހާތަނަށް ވަކި އެއްޗެއް ބުނެފައެއް ނުވެއެވެ.
ފާއިތުވި އަހަރުތަކުގައި އިސްރާއިލުން ވަނީ ސީރިއާގެ އެކި ސަރަހައްދުތަކަށް ވަރުގަދަ ހަމަލާތައް ދީފައެވެ. މިދިޔަ ހަފުތާގައި ވެސް އިސްރާއީލުން ވަނީ ސީރިއާގެ ވެރިރަށް ދިމިޝްގަށް ހަމަލާ ދީފައެވެ.
