އަތޮޅުތަކުން ކޮވިޑަށް ޕޮޒިޓިވްވި 109 މީހުންނާއެކު އިތުރު 137 މީހުން ޕޮޒިޓިވްވެއްޖެ
20 ނޮވެމްބަރު 2021 | ހޮނިހިރު 18:04ކޮވިޑަށް ޕޮޒިޓިވްވި މީހުންގެ އަދަދު ވަނީ 90،601ށް އަރާފައި
މާމެންދޫން ކޮވިޑަށް ޕޮޒިޓިވްވި އާއިލާގެ މީހުން ވިލިނގިލީ ކޮވިޑް ފެސިލިޓީއަށް ގެންދަނީ
ފާއިތުވި 24 ގަޑިއިރު ރާއްޖެއިން ކޮވިޑް-19ށް 137 މީހުން ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު އަތޮޅުތަކުން ވަނީ 109 މީހުން ކޮވިޑަށް ޕޮޒިޓިވްވެފައެވެ. މާލެ ސަރަހައްދުން 17 މީހުން ކޮވިޑަށް ޕޮޒިޓިވްވިއިރު ރިސޯޓްތަކުން 11 މީހުން ވަނީ ކޮވިޑަށް ޕޮޒިޓިވްވެފައެވެ. މިއާއެކު ރާއްޖެއިން މިހާތަނަށް ކޮވިޑަށް ޕޮޒިޓިވްވި މީހުންގެ އަދަދު ވަނީ 90،601 ށް އަރާފައެވެ. މީގެތެރެއިން 88،315 މީހުން ވަނީ ބަލިން ރަނގަޅުވެފައެވެ. މިވަގުތު އެކްޓިވް ކޭހުގެ ގޮތުގައި ގުނަމުންދަނީ 2025 ކޭހެކެވެ. މީގެތެރެއިން 15 މީހުންނަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
ރާއްޖޭގައި މިހާތަނަށް މިބަލީގައި 248 މީހުން ވަނީ ނިޔާވެފައެވެ.
މާލެ ސަރަހައްދުގައި ކޮވިޑްގެ ކޭސްތައް ވަކި މިންވަރެއްގައި ހިފެހެއްޓިފައި ހުރިނަމަވެސް އަތޮޅުތަކުގައި އަދިވެސް އަންނަނީ ކޭސްތައް ފެންނަ މިންވަރު އިތުރުވަމުންނެވެ.
