ދުވަސްތަކަކަށްފަހު، އަތޮޅުތަކުން ޕޮޒިޓިވްވި އަދަދު 50ން ދަށަށް
ފާއިތުވި 24 ގަޑިއިރު ރާއްޖެއިން ކޮވިޑަށް ޕޮޒިޓިވްވެފައިވަނީ 74 މީހުން
ކޮވިޑަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރު ރާއްޖެއިން ކޮވިޑް-19ށް ޕޮޒިޓިވްވި މީހުންގެ އަދަދު ދަށަށް ޖެހިލައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރު ރާއްޖެއިން ކޮވިޑަށް ޕޮޒިޓިވްވެފައިވަނީ 74 މީހުންނެވެ. އެއީ އަތޮޅުތަކުން 41 މީހުންނާއި މާލެއިން 21 މީހުންނެވެ. އަދި ހިންގަމުންދާ ރިސޯޓްތަކުން 12 މީހުން ވަނީ ކޮވިޑަށް ޕޮޒިޓިވްވެފައެވެ. މިއާއެކު ރާއްޖެއިން މިހާތަނަށް ކޮވިޑް-19ށް ޕޮޒިޓިވްވި މީހުންގެ ޖުމްލަ އަދަދު ވަނީ 90،340ށް އަރާފައެވެ.
މިހާތަނަށް ރާއްޖެއިން 88،039 މީހުން މި ބަލިން ރަނގަޅުވެފައިވެއެވެ. އެކްޓިވް ކޭހުގެ ގޮތުގައި 2040 ކޭހެއް އަންނަނީ ގުނަމުންނެވެ. މީގެތެރެއިން 12 މީހަކަށް ހޮސްޕިޓަލްތަކުގައި އެޑްމިޓްކޮށްގެން އަންނަނީ ފަރުވާދެމުންނެވެ.
ރާއްޖެއިން މިހާތަނަށް 248 މީހުން ވަނީ މިބަލީގައި ނިޔާވެފައެވެ.
އަތޮޅުތެރެއިން ކޮވިޑަށް ޕޮޒިޓިވްވާ މީހުންގެ އަދަދު އިތުރުވެފައިވީ ނަމަވެސް މާލެ ސަރަހައްދުން ކޮވިޑަށް ޕޮޒިޓިވާ މީހުންގެ އަދަދު ވަނީ އެއްވަރެއްގައި ހިފެހެއްޓިފައެވެ.
