އައްޑޫއިން ކޮވިޑް ޖެހިގެން މީހަކު ނިޔާވެއްޖެ، މިއީ 247 ވަނަ މަރު
ނިޔާވެފައިވަނީ އުމުރުން 81 އަހަރުގެ ދިވެހި ފިރިހެނެއް
އާއިޝަތު ޝިއުރާ | 11 ނޮވެމްބަރު 2021 | ބުރާސްފަތި 14:00
ހުޅުމާލެ ސަހަރާ
އައްޑޫ ކޮވިޑް މެނޭޖްމެންޓް ފެސިލިޓީގައި ކޮވިޑް-19ށް ފަރުވާދެމުން ދިޔަ މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ ނިޔާވެފައިވަނީ އުމުރުން 81 އަހަރުގެ ދިވެހި ފިރިހެނެއްކަމަށެވެ. މިމީހާ ނިޔާވެފައިވަނީ ބުރާސްފަތި ދުވަހުގެ މެންދުރު 1:33ގައެވެ.
މިއީ ރާއްޖޭގައި ކޮވިޑް ޖެހިގެން ނިޔާވި 247 ވަނަ މީހާއެވެ.
ކޮވިޑް ޖެހިގެން މިމަހުގެ 9 ވަނަ ދުވަހު 84 އަހަރުގެ ދިވެހި ފިރިހެނަކު, ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށް ވަނީ ނިޔާވެފައެވެ. އަދި މިމަހުގެ 4 ވަނަ ދުވަހު އުމުރުން 81 އަހަރުގެ މީހަކު، އަދި 5 ވަނަ ދުވަހު އުމުރުން 87 އަހަރުގެ މީހަކު ވަނީ ނިޔާވެފައެވެ.
