ސައުތު އެފްރިކާގެ ކުރީގެ ރައީސް އެފް ޑަބްލިއު ޑި ކްލަރކް އަވަހާރަވެއްޖެއެވެ.

ކްލަރކް އަވަހާރަވީ ބުރާސްފަތި ދުވަހުގެ ހެނދުނު އޭނާގެ ގެކޮޅުގައެވެ. އުމުރުފުޅުން 85 އަހަރުގެ ކްލަރކް އަވަހާރަވީ، މިއަހަރުގެ ޖޫން މަހުން ފެށިގެން ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށެވެ.

ސައުތު އެފްރިކާގައި 1989ން 1994ށް ވެރިކަން ކުރެއްވި ކްލަރކްއަކީ އެޤައުމުގައި ނަސްލީ ތަފާތުކުރުމާ ދެކޮޅަށް ނުކުމެވަޑައިގެން، ދޮން މީހުންގެ ނަސްލީ އިމްތިޔާޒުގެ ވެރިކަން ނިމުމަކަށް ގެންނެވި ލީޑަރެވެ. އަދި އޭގެ ފަހުން ކްލަރކް ވަނީ ނެލްސަން މަންޑޭލާ ޖަލުން މިނިވަންކުރައްވާފައެވެ. މަންޑޭލާއަށް ރައީސް ކަމުގެ ފަތްކޮޅު އެރުއްވީވެސް ކްލަރކްއެވެ.

ކްލަރކްގެ ޖަނާޒާ އޮންނާނެ އިރެއް އޭނާގެ އާއިލާއިން އަދި ހާމައެއް ނުކުރެއެވެ.