އިންތިޚާބުތަކުން ކާމިޔާބު ހޯދުމާއި ވެރިކަން ދެމެހެއްޓުމުގައި ޕީޕީއެމްއިން ބޭނުންކުރީ މަސްތުވާތަކެތި: ޔައުގޫބް
އިންތިޚާބުގެ ތެރޭގައި އަޅުގަނޑާ ވާދަކުރި ކެންޑިޑޭޓުގެ ފަރާތުން (3 ފަހަރު މަތިން) މަސްތުވާތަކެތި އެ ދާއިރާގެ ރަށްތަކަށް ގެންދަން އުޅުނު: ޔައުގޫބް
ދާންދޫ ދާއިރާގެ މެމްބަރ ޔައުގޫބް އަބްދުﷲ
ކުރީގެ ސަރުކާރުތަކުން, ވަކިން ޚާއްސަކޮށް ޕީޕީއެމް ސަރުކާރުގައި ވިސްނުމަކަށް ވެފައި އޮންނަނީ އިންތިޚާބެއްވިޔަސް، އަދި އެހެންކަމެއްވިޔަސް, ވެރިކަން ހިފަހައްޓަންވިޔަސް މަސްތުވާތަކެތީގެ ބޭނުންކޮށްގެން ކުރިޔަށް ދިޔުން ކަމުގައި ކަމަށް ދާންދޫ ދާއިރާގެ މެމްބަރ ޔައުގޫބް އަބްދުﷲ ވިދާޅުވެއްޖެއެވެ.
ރައްޔިތުންގެ މަޖިލީހުގެ ހޯމަ ދުވަހުގެ ޖަލްސާގައި މަޑުއްވަރީ ދާއިރާގެ މެންބަރު އާދަމް ޝަރީފް ހުށަހަޅުއްވާފައިވާ ކުއްލި މައްސަލައަށް ބަހުސްކުރައްވަމުން ޔައުގޫބް ވިދާޅުވީ, އާދަމް ޝަރީފް ހުށަހެޅުއްވި މައްސަލައިން ފާހަގަވަނީ ގިނަ އަދަދަކުން މަސްތުވާތަކެތި މިސަރުކާރުން ހިފަހައްޓަމުންދާތީ އެކަމާ ކަންބޮޑުވެގެން ހުށަހަޅުއްވާފައިވާ މައްސަލައެއްގެ ގޮތުގައި ކަމަށެވެ. ޔައުގޫބް ވިދާޅުވީ މިސަރުކާރުން ގިނަ އަދަދެއްގެ މަސްތުވާތަކެތި އަތުލައިގަނެ އެތަކެތި މާކެޓަށް ނިނެރެ ހިފަހައްޓަމުންދާތީ އެކަމާ ކަންބޮޑުވެ ހުށަހެޅުއްވި މައްސަލައެއްގެ ގޮތުގައި ދެކެވަޑައިގަންނަވާކަމަށެވެ.
ޔައުގޫބް ވިދާޅުވީ ކުރީގެ ސަރުކާރުތަކުން ވެރިކަން ކުރިއިރު, ވަކިން ޚާއްސަކޮށް އޭރުގައި ދިގު 30 އަހަރުގެ ވެރިކަން ކުރަން ފަސޭހައަކަށް, ދިވެހި ޒުވާނުން މަސްތުވާތަކެތީގެ ވަބާގައި ޖެއްސުމުގެ ލަފާ, އޭރުގެ ރައީސް މައުމޫން އަބްދުލް ގައްޔޫމަށް ބޭފުޅަކު ދެއްވި އަޑުއައްސަވާކަމަށެވެ. އޭގެފަހުން މިއަދާ ހަަމައަށް އެތައް ޖީލެއް މިކަމުގައި ހަލާކުވެގެން ގޮސްފައިވާއިރު އެކަމުގެ ލަފާދީފައިވަނީ ކުރީގެ ރައީސް ޔާމީން ކަމަށް ޔައުގޫބް ވިދާޅުވިއެވެ.
ޔައުގޫބް ވިދާޅުވީ ޕީޕީއެމް އާއި މަސްތުވާތަކެއްޗާއި ގުޅުންހުރި މިންވަރު އެނގިވަޑައިގަންނަވާކަމަށެވެ. އެގޮތުން ޔައުގޫބް ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވިއިރު ކޮމިޝަނަރ އޮފް ޕޮލިސްއާ ބައްދަލުކުރެއްވިކަމަށެވެ. އަދި ދާންދޫ ދާއިރާގެ ރަށްތަކުގައި މަސްތުވާތަކެއްޗާ ގުޅޭގޮތުން ހުރިކަންކަން ގާތުން ބައްލަވައިދެއްވުމަށް އެދިވަޑައިގެންނެވިކަމަށް ޔައުގޫބް ވިދާޅުވިއެވެ.
މީގެއިތުރުން ޔައުގޫބް ވިދާޅުވީ ރިޔާސީ އިންތިޚާބުގެ ފަހު ދުވަސްކޮޅު ވިލނގިލީގައި ބޭއްވި ޖަލްސާއެއް "ވިދިވިދި އޮޓޯ"ގެ ނަމުގައި ބާއްވާފައިވާއިރު އެއީ ސިޔާސީ ގޮތުން އައި ވާހަކައެއްކަމަށް އޭރު ހީކުރެވުނުކަމަށެވެ. ނަމަވެސް ފަހުން ވިސްނާލުމުން އެނގުނީ އެނަމަކީވެސް މަސްތުވާތަކެތީގެ ވަބާގައި ޒުވާނުން ކުދިކުދިކޮށްލާނެ ވާހަކަކަން އެނގިވަޑައިގެންނެވިކަމަށެވެ. އެކަން ޔަގީންވީ އެޖަލްސާ ލީޑުކުރި ޕީޕީއެމްގެ ފަރާތް މަސްތުވާތަކެތީގެ މައްސަލާގައި ޖަލުގައި އޮތުމުންކަމަށް ޔައުގޫބް ވިދާޅުވިއެވެ.
