ޖަލުގެ ފާހާނާ ބޭނުންކުރަން ޖެހިދާނެތީ އާރިޔާން ޚާން ހުންނަނީ ނުކައި ނުބޮއެ
އޭނާ ފެން ނުވަރާތާ ވެސް މިހާރު ފަސް ދުވަސް ވެއްޖެ
ައާރިޔަން ޚާން
14 ދުވަހުގެ ކަސްޓޯޑިއަލް ބަންދެއްގައި ހުރި އާރިޔާން ޚާން ރަނގަޅަށް ކައި ބޮއި ނަހަދާ ކަމަށްވެއެވެ.
އޭނާ ކެއުމާ ވަރަށް ބޮޑަށް ދުރުވެފައިވާތީ ޖަލުގެ ސްޓާފުން ވެސް ކެއުމަށް އޭނާ ގާތު އެދެމުން ދިޔަނަމަވެސް، އާރިޔާން އެކަން އެގޮތަށް ކުރަން ބޭނުން ނުވާ ކަމަށްވެއެވެ.
އޭނާ ކެއުމާ ދުރުގައި އުޅެނީ ޖަލުގެ ފާހާނާ ބޭނުން ކުރަން ބޭނުންނުވާތީ ކަމަށް ވެސް ޚަބަރުތައް ބުނެއެވެ. މައުލޫމާތު ލިބޭގޮތުން އޭނާ ފެން ނުވަރާތާ ވެސް މިހާރު ފަސް ދުވަސް ވެއްޖެއެވެ.
އާރިޔާން ޖަލަށް ދިޔައިރު ގެއިން ބެޑުޝީޓު ތަކަކާއި، ކެންޓީނުން ގިނަ އަދަދެއްގެ ފެންފުޅި ވެސް ގެނައެވެ. އޭނާ ބަނޑު ހައިވެއްޖެ ނަމަ ބޮނީ އެ ފެން ކަމަށް ވެސް ވެއެވެ.
އޭނާ މީހުންނާ ވާހަކަ ދެއްކުން ވެސް ހުއްޓާލާފައިވާ ކަމަށާއި، ރައްދުދެނީ ހަމައެކަނި މީހަކު އެއްޗެއް އެހިއްޔާ އެކަނި ކަމަށް ޚަބަރުތައް ބުނެއެވެ.
އާރިޔާން ކަސްޓޯޑިއަލް ޖަލަކަށް ބަދަލުކުރުމާ ގުޅިގެން ޝާހު ވެސް ކެއުމާއި، ބުއިން އަދި ނިދުމާ ވެސް ދުރުވެފައި ކަމަށް ރިޕޯޓްތައް ބުނެއެވެ.
