ބިގްބޮސްއަށްފަހު ޝެހެނާޒްގެ ފުރަތަމަ ފިލްމު، "ހޯންސްލާ ރަކް" ސިނަމާތަކަށް އޮކްޓޫބަރު 15ގައި އަންނާނެ ކަމަށް ރިޕޯޓުތައް ބުނެފިއެވެ.

ނަމަވެސް ސިދާތުގެ ކުއްލި މަރަށްފަހު ޝެހެނާޒުގެ ސިއްހީ ހާލަތު ހަމައަކަށް ނޭޅޭތީ، "ހޯސުލާ ރަކް"ގެ ޝޫޓިންވެސް އޮތީ މަޑުޖެހިފައެވެ.

ފިލްމުގެ ޕްރޮޑިއުސަރު މީގެ ކުރިން ބުނީ ޝެހެނާޒް ހަމައަކަށް އެޅި, ކެމެރާ ކުރިމައްޗަށް އަރަން ފުރިހަމައަށް ތައްޔާރުވެވެންދެން ޝޫޓިން ނުފަށާނެ ކަމަށެވެ. ޝިދާތު މަރުވީ މި ފިލްމުގެ ފަހުގެ ޝޫޓިންގތައް ކުރަމުން ދަނިކޮށެވެ.

ޝޫޓިންގ ހުއްޓިފައިވީނަމަވެސް، އެ ފިލުމުގެ ޓްރެއިލަރ ވަނީ އާއްމުކޮށްފައެވެ. ޓްރެއިލަރ މިލިއަނަކަށް ވުރެ ގިނަ މީހުން ބަލާފައިވާއިރު, މީޑިއާ ރިޕޯޓުތައް ބުނާ ގޮތުން އެ ފިލްމު "ހިޓް" ފިލްމަކަށް ވެގެންދާނެއެވެ. ކަނޑައެޅިފައިވާ ތާރީޚަށް ފިލްމް ރިލީޒް ކުރެވޭނެ ކަމަށް ލަފާކުރެވޭކަމަށް އިންޑިއާގެ ނޫސްތަކުންބުނެވެ.

މިދިޔަ ސެޕްޓެމްބަރު މަހުގެ 2 ވަނަ ދުވަހު ކުއްލި ގޮތަކަށް ސިދާތު މަރުވުމާއެކު ގިނަ ބަޔަކަށް ލިބުނީ ކުއްލި ޝޮކެކެވެ. ވަކިން ޚާއްސަކޮށް ސިދާތުގެ ގާތް މީހުންނަށް މިއީ ހީވެސްނުކުރާފަދަ ސިހުމެކެވެ.

ސިދާތުގެ މަރާއެކު އެންމެ ބޮޑު ހިތްދަތި ކަމަކާ ކުރިމަތިލާން ޖެހުނީ ޝެހެނާޒްއެވެ. ބިގް ބޮސް 13 ކާމިޔާބުކުރި ސިދާތުއާއި ޝެހެނާޒްގެ މެދުގައި, ޝޯ ފެށިގެން ގޮސް ނިމެންދެން ވެސް ޚާއްސަ ގުޅުމެއްއޮތެވެ. އަދި ސިދާތުގެ އެންމެ ފަހު ނޭވާއާ ޖެހެންދެންވެސް މިގުޅުން ދެމިއޮތެވެ.

ސިދާތުއާއި ޝެހެނާޒް އެކުގައި ފެނިގެން ދިޔަނަމަވެސް މި ދެތަރިން ލޯބީގެ ގޮތުން ގުޅިގެން އުޅޭކަން މީޑިއާއަށް ހާމަކޮށްފައެއް ނުވެއެވެ. ނަމަވެސް ރިޕޯޓުތައް ބުނާގޮތުން ސިދާތު ކުއްލިއަކަށް މަރުވިއިރު އެދެމީހުން މިއަހަރުގެ ޑިސެމްބަރުގައި ކައިވެނި ކުރުމަށް ދިއައީ ތައްޔާރުވަމުންނެވެ.