ވެކްސިން ފުރިހަމަކޮށްފައިވާ ފަރާތްތަކަށް ތައިލޭންޑްގެ ޕުކެޓް ހުޅުވާލައިފި
2 އޮކްޓޯބަރު 2021 | ހޮނިހިރު 17:2166 މިލިއަން އެމެރިކާ ޑޮލަރުގެ އާމްދަނީ ގައުމަށް އެތެރެވެފައިވޭ
ކޮންމެ ގައުމެއްގެ މީހެއް ނަމަވެސް، ވެކްސިން ފުރިހަމަ ކޮށްފައިވާނަމަ ކަރަންޓީނުވުމަކާނުލައި ދަތުރު ކުރެވޭނެ
ކޮވިޑް-19އިން ދިފާއުވުމަށް ވެކްސިން ފުރިހަމަކޮށްފައިވާ ފަރާތްތަކަށް ތައިލޭންޑްގެ ޕުކެޓް ހުޅުވާލައިފިއެވެ.
ތައިލެންޑް ސަރުކާރުގެ ކަމާބެހޭ އިދާރާތަކާ ޙަވާލާދީ ބޭރުގެ ނޫސްތަކުން ރިޕޯޓު ކޮށްފައިވާ ގޮތުން ކޮންމެ ގައުމެއްގެ މީހެއް ނަމަވެސް، ވެކްސިން ފުރިހަމަ ކޮށްފައިވާނަމަ ކަރަންޓީނު ވުމަކާއި ނުލައި ދަތުރު ކުރެވޭނެއެވެ.
އެ ގައުމުގެ ފޮރިން މިނިސްޓްރީގެ ތަރުޖަމާނާ ހަވާލާދީ ނޫސްތަކުން ރިޕޯޓު ކޮށްފައިވާ ގޮތުން، ވެކްސިން ފުރިހަމަ ނުކުރާ ކުޑަކުދިންނަށްވެސް، އެކުދިންގެ ބެލެނިވެރިން ވެކްސިން ފުރިހަމަކޮށްފައިވާނަމަ އެކުގައި އެތެރެ ވެވޭނެއެވެ.
ރިޕޯޓުތައް ބުނާގޮތުން ކޮވިޑް-19 ބަލިމަޑުކަން އައުމުގެ ކުރިން ތައިލެންޑަށް ލިބޭ އާމްދަނީގެ ފަސްބައިކުޅަ އެއްބައި ބަރޯސާވަނީ ފަތުރުވެރިކަމުން ލިބޭ ނަފާގެ މައްޗަށެވެ.
ތައިލޭންޑްއިން ވަނީ އެ ގައުމުގެ އިޤްތިޞާދު ކޮޅަށް ޖެހުމަށް ކުރަމުންދާ މަސައްކަތްތަކުގެ ދަށުން "ސޭންޑް ބޮކްސް" ޕްރޮގްރާމެއްވެސް ފަށާފައެވެ. އެގޮތުން މި ޕްރޮގްރާމްގެ ދަށުން ވެކްސިން ފުރިހަމަ ކޮށްފައިވާ ފަރާތްތަކަށް ހިލޭ ޕެކޭޖުތަކެއް ހިމެނިފައިވާއިރު، ކަރަންްޓީނު ވުމަކާއި ނުލައި ދަތުރު ކުރެވޭނެއެވެ. ރިޕޯޓުތައް ބުނާގޮތުން މި ޕެކޭޖް ތައާރަފް ކުރި ފަހުން 38000ށް ވުރެ ގިނަ ފަތުރުވެރިން ހަމައެކަނި ފުކެޓަށް ގޮސްފައިވާއިރު، 66 މިލިއަން އެމެރިކާ ޑޮލަރުގެ އާމްދަނީ އެ ގައުމަށް އެތެރެވެފައިވެއެވެ.
