އޮކްޓޯބަރ މަހުގެ ފުރަތަމަ ދުވަހު ކޮވިޑަށް ޕޮޒިޓިވްވީ 57 މީހުން

ފާއިތުވި 24 ގަޑިއިރު ރާއްޖެއިން ކޮވިޑަށް ޕޮޒިޓިވްވީ 57 މީހުންކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.

އެޗްޕީއޭން ބުނީ ފާއިތުވި 24 ގަޑިއިރު 2940 ސާމްޕަލް ޓެސްޓްކޮށްފައިވާކަމަށެވެ. އޭގެތެރެއިން 57 ސާމްޕަލް ޕޮޒިޓިވްވެފައިވާއިރު އޭގެތެރެއިން މާލެ ސަރަހައްދުން 22 މީހުން ޕޮޒިޓިވްވެފައިވެއެވެ. އަތޮޅުތަކުން ޕޮޒިޓިވްވެފައިވަނީ 34 މީހުންނެވެ. އަދި ހިނގަމުންދާ ރިސޯޓްތަކުން އެކަކު ވަނީ ކޮވިޑަށް ޕޮޒިޓިވްވެފައެވެ. މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 84،866ށް އަރާފައެވެ. މީގެތެރެއިން 83،074 މީހުން ވަނީ ބަލިން ރަނގަޅުވެފައެވެ. އަދި މިވަގުތު 1548 މީހުން އަންނަނީ ބައްޔަށް ފަރުވާ ހޯދަމުންނެވެ. މީގެތެރެއިން 24 މީހުންނަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.

ރާއްޖެއިން މިހާތަނަށް މިބަލީގައި 231 މީހުން ވަނީ ނިޔާވެފައެވެ.

ސެޕްޓެމްބަރ މަހު ރާއްޖެއިން ކޮވިޑަށް ޕޮޒިޓިވްވެފައިވަނީ 3427 މީހުންނެވެ. އަދި ފަސް މީހަކު ވަނީ އެމަހު ރާއްޖޭގައި މިބަލީގައި ނިޔާވެފައެވެ.

ރާއްޖޭގައި ކޮވިޑްގެ ހާލަތު މާބޮޑުވަރު ނުވެ ވަކި ވަރެއްގައި ހިފެހެއްޓިފައި ހުންނަތާ ދުވަސްތަކެއް ވަނީ ވެފައެވެ. ނަމަވެސް ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.