ފާއިތުވި 24 ގަޑިއިރު ކޮވިޑަށް ޕޮޒިޓިވްވީ 89 މީހުން
މުޅި ރާއްޖެއިން ކޮވިޑަށް ޕޮޒިޓިވްވީ މީހުންގެ އަދަދު ވަނީ 84،809ށް އަރާފައި
ރެންޑަމް ސާމްޕަލް ނެގުން / ޕީޕީއީ
އިތުރު 89 މީހުން ރާއްޖެއިން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ ފާއިތުވި 24 ގަޑިއިރު 4160 ސާމްޕަލް ޓެސްޓްކޮށްފައިވާކަމަށެވެ. އޭގެތެރެއިން 89 މީހުން ޕޮޒިޓިވްވެފައިވާއިރު މާލެއިން ޕޮޒިޓިވްވީ 31 މީހުންނެވެ. އަތޮޅުތަކުން 50 މީހުން ޕޮޒިޓިވްވެފައިވެއެވެ. އަދި ހިނގަމުންދާ ރިސޯޓްތަކުން 8 މީހުން ކޮވިޑަށް ޕޮޒިޓިވްވެފައެވެ.
މިއާއެކު މުޅި ރާއްޖެއިން ކޮވިޑަށް ޕޮޒިޓިވްވީ މީހުންގެ އަދަދު ވަނީ 84،809ށް އަރާފައެވެ. މިވަގުތު އެކްޓިވް ކޭހުގެ ގޮތުގައި ގުނަމުންދަނީ 1591 ކޭހެވެ. އޭގެތެރެއިން 21 މީހުންނަށް ފަރުވާ ދެމުން އަންނަނީ ހޮސްޕިޓަލްތަކުގައި އެޑްމިޓްކޮށްގެންނެވެ. އަދި 82،974 މީހުން ވަނީ ކޮވިޑް ޖެހި ރަނގަޅުވެފައެވެ.
އަދި 231 މީހުން މިހާތަނަށް މިބަލީގައި ނިޔާވެފައިވެއެވެ.
ރާއްޖޭގައި ކޮވިޑްގެ ހާލަތު މާބޮޑުވަރު ނުވެ ވަކި ވަރެއްގައި ހިފެހެއްޓިފައި ހުންނަތާ ދުވަސްތަކެއް ވަނީ ވެފައެވެ. ނަމަވެސް ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.
