ރާއްޖެއިން ބޭރުގައި ތަމްރީނު ހަދަމުންދިޔަ ސިފައިންގެ މީހަކު ނިޔާވެއްޖެ
25 ސެޕްޓެމްބަރު 2021 | ހޮނިހިރު 13:34ތަމްރީނު ހަދަމުން ދިޔައީ އިންިއާގައި
ޝިއުނާ ސޯލިހް | 25 ސެޕްޓެމްބަރު 2021 | ހޮނިހިރު 13:34
ނިޔާވި ސިފައިންގެ މީހާގެ ވަނަވަރު ހާމަކުރަން އަދި ބޭނުންނުވާކަމަށް އެމްއެންޑީއެފުން ބުނޭ
ރާއްޖެއިން ބޭރުގައި ތަމްރީނު ހަދަމުންދިޔަ ސިފައިންގެ މީހަކު ނިޔާވެއްޖެއެވެ.
އެމްއެންޑީއެފުން ބުނީ އިންޑިއާގެ ނޭޝަނަލް ޑިފެންސް އެކެޑަމީގައި ތަމްރީނު ހަދަމުން ދިޔަ ސިފައިންގެ އޮފިސަރެއް ނިޔާވެފައިވާ ކަމަށެވެ. އެހެންނަމަވެސް މިކަމާ ގުޅޭ އިތުރު ތަފްސީލެއް އެމްއެންޑީއެފުން ހާމައެއް ނުކުރެއެވެ. ނިޔާވި މީހާގެ ވަނަވަރު ހާމަކުރަން އަދި ބޭނުންނުވާ ކަމަށާއި، އާއިލާއަށް މިކަމުގައި ވަގުތު ބޭނުންވާ ކަމަށް ބުނެފައިވެއެވެ.
އޭނާގެ ހަށިގަނޑު މާލެ ގެނައުމުގެ މަސައްކަތް ކުރަމުން އަންނަ ކަމަށްވެސް އެމްއެންޑީއެފުން މައުލޫމާތުދެއެވެ.
