ފާއިތުވި 24 ގަޑިއިރުތެރޭގައި ރާއްޖެއިން ކޮވިޑަށް ޕޮޒިޓިވްވީ 79 މީހުން
20 ސެޕްޓެމްބަރު 2021 | ހޯމަ 17:26މާލެ ސަރަހައްދުން ޕޮޒިޓިވްވެފައިވަނީ 26 މީހުން
ކޮވިޑަށް ޓެސްޓު ކުރުމަށް ސާމްޕަލް ނެގުން
ފާއިތުވި 24 ގަޑިއިރުތެރޭގައި ރާއްޖެއިން ކޮވިޑް-19ށް ޕޮޒިޓިވްވެފައިވަނީ 79 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.
އެޗްޕީއޭން ބުނީ ފާއިތުވި 24 ގަޑިއިރު ތެރޭގައި 3983 ސާމްޕަލް ޓެސްޓްކޮށްފައިވާ ކަމަށާއި, އޭގެތެރެއިން މާލެ ސަރަހައްދުން ޕޮޒިޓިވްވެފައިވަނީ 26 މީހުންކަމަށާއި އަތޮޅުތަކުން ޕޮޒިޓިވްވެފައިވަނީ 42 މީހުންކަމަށެވެ. އަދި ރިސޯޓްތަކުން 11 މީހުން ޕޮޒިޓިވްވި ކަމަށް އެޗްޕީއޭން ބުނެއެވެ.
މިއާއެކު މުޅި ރާއްޖެއިން ޕޮޒިޓިވްވި މީހުންގެ އަދަދު ވަނީ 83،655ށް އަރާފައެވެ. މީގެތެރެއިން 81،804 މީހުން ބަލިން ރަނގަޅުވެފައިވާއިރު މިވަގުތު އެކްޓިވް ކޭހުގެ ގޮތުގައި ގުނަމުންދަނީ 1609 މީހުންނެވެ. 23 މީހުން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންދެއެވެ.
ރާއްޖެއިން މިހާތަނަށް 229 މީހުން ވަނީ މިބަލީގައި ނިޔާވެފައެވެ.
