ކުޑަަހުވަދޫގެ މަގު ހެދުމުގެ މަސައްކަތް ބަޔަކާ ހަވާލުކޮށްފި
20 ސެޕްޓެމްބަރު 2021 | ހޯމަ 15:38މިއީ 122.8 މިލިއަން ރުފިޔާގެ މަޝްރޫއެއް
ދ. ކުޑަހުވަދޫގެ މަގު ހެދުމަށް ބަޔަކާ ހަވާލުކުރުން
ދ. ކުޑަހުވަދޫގެ މަގުތަކުގައި ތާރުއެޅުމުގެ މަސައްކަތް ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އާ ހަވާލުކޮށްފިއެވެ.
މި މަސައްކަތުގެ އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާޠިމަތު ޝާނާ ފާރޫޤެވެ. މި މަސައްކަތުގެ ކޮންޓްރެކްޓަރ ރޯޑް ޑިވެލޮޕްމަންޓް ކޯރޕަރޭޝަންގެ ފަރާތުން ސޮއި ކުރެއްވީ އެކުންފުނީގެ ޖެނެރަލް މެނޭޖަރ ޙަސަން ސަޢީދެވެ.
މި މަޝްރޫއުގެ ދަށުން އާރްޑީސީއާ ހަވާލުކޮށްފައިވަނީ ދެވަނަ ފިޔަވަހީގެ މަސައްކަތެވެ. މި މަޝްރޫއުގެ ދަށުން 5.85 ކިލޯމީޓަރުގެ މަގުގައި ތާރު އެޅުމާއި، މަގުތަކުގައި ފެން ހިންދާ ނިޒާމު ގާއިމުކުރުމާއި، މަގުބައްތި ޖެހުން ހިމެނެއެވެ.
މިއީ 122.8 މިލިއަން ރުފިޔާގެ މަޝްރޫއެކެވެ. މި މަސައްކަތަކީ 450 ދުވަހުގެތެރޭ ނިންމަންޖެހޭ މަސައްކަތެކެވެ.
