ހއ އަތޮޅުން ނ އަތޮޅަށް ވައިޓް އެލަރޓް
ގަޑިއަކު 40 މޭލަށް ވައިގަދަވުން އެކަށީގެންވޭ
ކަނޑުގަދަ ދުވަހެއް: މި ދުވަސްވަރަކީ ހުޅަނގު މޫސުމުގެ ވިއްސާރަ ކުރަމުންދާ ދުވަސްވަރެއް
މޫސުން ގޯސްވާނެ ކަމަށް ބަލައި ހއ އަތޮޅުން ނ އަތޮޅަށް ވައިޓް އެލަރޓް ނެރެފިއެވެ.
މެޓް އޮފީހުން ބުނީ، ހއ އަތޮޅުން ފެށިގެން ނ އަތޮޅަށް ވައިޓް އެލަރޓް ނެރިފައިވަނީ ހޮނިހިރު ދުވަހު 1700ން ފެށިގެން 2200ށް ކަމަށެވެ. އެ ވަގުތުތަކުގައި އެލަރޓް ނެރެފައިވާ ސަރަޙައްދުތަކަށް ބޯކޮށް ވާރޭވެހުމާއެކު ގުގުރުން އެކަށީގެންވާކަމަށް މެޓް އޮފީހުން މައުލޫމާތު ދެއެވެ.
އޭގެ އިތުރުން، ވިލާގަނޑުގައި ގަޑިއަކު 40 މޭލަށް ވައިގަދަވުން އެކަށީގެންވާކަމަށްވެސް މެޓް އޮފީހުން ވަނީ ބުނެފައެވެ.
ކަނޑުދަތުރު ކުރާ މީހުން ސަމާލުވުމަށް މެޓް އޮފީހުން އިލްތިމާސް ކޮށްފައިވާއިރު، ރާޅުގެ އުސްމިނުގައި 2 ނުވަތަ 6 ފޫޓު ހުންނާނެ ކަމަށް މޫސުމާ ބެހޭ ގައުމީ އިދާރާއިން ވަނީ ބުނެފައެވެ.
ރާއްޖޭގެ އެކި ކަންކޮޅުތަކަށް ހުޅަނގު މޫސުމުގެ ވިއްސާރައާ ކުރިމަތިވަމުންދާއިރު، ހުކުރު ދުވަހުވެސް މޫސުން ގޯސްވެ ސ.ހިތަދޫގެ ދެ ގެއަކަށް ގެއްލުން ލިބުމާ ގުޅިގެން އެމްއެންޑީއެފް ސަދަން އޭރިއާގެ ސިފައިން ވަނީ ހަރަކާތްތެރިވެފައެވެ.
