ކޮވިޑް ބަލީގައި އިތުރު މީހަކު ނިޔާވެއްޖެ، ނިޔާވި މީހުންގެ ޖުމްލަ 218ށް
ނިޔާވެފައި ވަނީ އުމުރުން 82 އަހަރުގެ ދިވެހި ފިރިހެނެއް
ހުޅުމާލެ މެޑިކަލް ފެސިލިޓީ
ކޮވިޑް-19 ޖެހިގެން ރާއްޖެއިން އިތުރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނީ ބުދަ ދުވަހުގެ ހެނދުނު 07:00ގައި ހުޅުމާލެ މެޑިކަލް ފެސިލިޓީއަށް ގެނައި އުމުރުން 82 އަހަރުގެ ދިވެހި ފިރިހެނަކު ނިޔާވެފައިވާ ކަމަށެވެ. އަދި މިއީ ރާއްޖެއިން ކޮވިޑްޖެހިގެން ނިޔާވި 218 ވަނަ މީހާ ކަމަށް އެޗްޕީއޭއިން ބުނެއެވެ.
މިއީ ކޮވިޑް ބަލީގައި ޖުލައި މަހު ނިޔާވި 7 ވަނަ މީހާއެވެ. އަދި މިމަހުގެ 19 ވަނަ ދުވަހުގެ މެންދަމު 01:05ގައި ބ. ކޮވިޑް މެނޭޖްމެންޓް ފެސިލިޓީގައި އެޑްމިޓްކޮށްގެން ފަރުވާ ދެމުންދިޔަ އުމުރުން 91 އަހަރުގެ ދިވެހި އަންހެނަކު ވެސް ވަނީ ނިޔާވެފައެވެ.
ކޮވިޑްގައި މިހާތަނަށް ރާއްޖޭން އެންމެ ގިނަ މީހުން ނިޔާވެފައިވަނީ މެއި މަހުއެވެ. އެމަހު އެކަނިވެސް 88 މީހުން ވަނީ ނިޔާވެފައެވެ.
