އެމެރިކާ ސިފައިން އަފްޣާނުން ފޭބުމަކީ "މިސްޓޭކް"އެއް - ބުޝް
15 ޖުލައި 2021 | ބުރާސްފަތި 01:51އަންހެން ކުދިންނަށް އެކަމުގެ ސަބަބުން އަސަރުތައް ކުރާނެ
އެމެރިކާގެ 43 ވަނަ ރައީސްކަން ކުރެއްވި ޖޯޖް ޑަބްލިއު ބުޝް
އެމެރިކާ ސިފައިން އަފްޣާނިސްތާނުން ފޭބުމަކީ "މިސްޓޭކް"އެއްކަމަށް އެމެރިކާގެ ކުރީގެ ރައީސް ޖޯޖް ޑަބްލިއު ބުޝް ވިދާޅުވެއްޖެއެވެ.
އެމެރިކާ ސިފައިން އަފްޣާނިސްތާނުން ފޭބުމުން ދެން ދިމާވެ ކަންތައް އަންދާޒާ ކުރެވޭ ކަމަށް ބުޝްވަނީ ވިދާޅުވެފައެވެ އެގޮތުން އަފްޣާންގެ އަންހެނުންނާއި އަންހެން ކުދިންނަށް އެކަމުގެ ސަބަބުން އަސަރުތައް ކުރާނެކަމަށް ބުޝް ވިދާޅުވިއެވެ.
ސެޕްޓެމްބަރުގެ 11ގެ ހާދިސާއާ ގުޅިގެން އަފްޣާނިސްތާނަށް ސިފައިން ފޮނުވައި ހަނގުރާމަ ފެށީ ބުޝްގެ ވެރިކަމުގައެވެ.
"އަފްޣާންގެ އަންހެނުންނާއި އަންހެން ކުދިންނަށް ލިބިގެންދާނެ ފޫނުބެއްދޭވަރުގެ ގެއްލުން އަންދާޒާ ކޮށްލުމުން ބިރުގަނޭ" ބުޝް ވިދާޅުވެފައިވެއެވެ.
އަފްޣާނިސްތާނުން މިހާރު އެމެރިކާއާއި ނޭޓޯ ސިފައިންގެ 90 އިންސައްތަ ވަނީ ފައިބާފައެވެ. އެއާއެކު އެގައުމުގައި ތާލިބާނުން އަންނަނީ އަތްގަދަ ކުރަމުންނެވެ.
ފާއިތުވި ހަފްތާގައި އެމެރިކާގެ ރައީސް ޖޯ ބައިޑަން ވިދާޅުވެފައިވަނީ އަފްޣާނިސްތާނުން ސިފައިން ފައިބާ އެއްކޮށް ނިމޭނީ އޮގަސްޓް މަހުގައި ކަމަށެވެ. އަދި އަފްޣާނިސްތާނަށް ހަނގުރާމައަށް ސިފައިން ނުފޮނުވާނެ ކަމަށް ވެސް ބައިޑަންވަނީ ވިދާޅުވެފައެވެ.
