މާލޭގައި މާރާމާރީއެއް ހިންގާ މީހަކު ޒަޚަމްކޮށްލައިފި، އަނިޔާވި މީހާގެ ހާލު ސީރިއަސްއެއް ނޫން
ފުލުހުން ބުނީ ހޮނިހިރު ދުވަހުގެ ރޭ 9:50ހާއިރު މާރީމާރީގެ މައްސަލަ ފުލުހުންނަށް ހުށަހަޅާފައިވާކަމަށް
ސީންއެއްގައި ފުލުހުންގެ ސެކިއުރިޓީ ޓޭޕް ދަމާފައި
މާލޭގެ ގަލޮޅު ފާޝަނާކިލެގެ މަގުގެ ގޯޅިގަނޑެއްގެ ތެރޭގައި ދެ މީހެއްގެ ދެމެދުގައި މާރީމާރީ ހިންގާ އެކަކު ޒަހަމްކޮށްލައިފިއެވެ.
ފުލުހުން ބުނީ ހޮނިހިރު ދުވަހުގެ ރޭ 9:50ހާއިރު މިމާރީމާރީގެ މައްސަލަ ފުލުހުންނަށް ހުށަހަޅާފައިވާކަމަށެވެ. މިމާރާމާރީގައި އަނިޔާވި މީހާއަށް އައިޖީއެމްއެޗްގައި އަންނަނީ ފަރުވާދެމުން ކަމަށް ފުލުހުން ބުނެއެވެ. އެމީހާގެ ހާލު ސީރިއަސްނޫންކަމަށް ފުލުހުންނަށް މައުލޫމާތު ލިބިފައިވާކަމަށް ވަނީ ބުނެފައެވެ. އަދި މިމާރާމާރީ ހިންގުމުގައި ތޫނު އެއްޗެއް ބޭނުންކޮށްފައިނުވާކަމަށް ފުލުހުން ބުނެއެވެ.
ފުލުހުން މިހެން ބުނެފައިމިވަނީ މިމާރާމާރީގައި ތޫނު އެއްޗަކުން ހަމަލާދީފައިވާކަމަށް ބައެއް މީޑިޔާތަކުން ރިޕޯޓްކޮށްފައިވަނިކޮށެވެ. ސޯޝަލް މީޑިޔާގައި ދައުރުވަމުންދާ ފޮޓޯތަކަށް ބަލާއިރު އެމީހާގެ ބޯ ވަނީ ވަރަށް ބޮޑަށް ޒަހަމްވެފައެވެ.
ފުލުހުން ބުނީ މިމައްސަލަ ތަހުގީގުކުރަމުން އަންނަކަމަށެވެ.
