އެންޓި-ވައިރަސް ސޮފްޓްވެއަރ 'މެކަފީ"ގެ މޭސްތެރިޔާ މަރުވެއްޖެ
24 ޖޫން 2021 | ބުރާސްފަތި 02:38އުފުލާފައިވާ ދައުވާތައް ސާބިތުވެއްޖެނަމަ ގާތްގަނޑަކަށް 30 އަހަރުގެ ޖަލު ހުކުމެއް އޭނާގެ މައްޗަށް އަންނާނެ
ޖޯން މެކަފީ - އެންޓި-ވައިރަސްގެ މޭސްތެރިޔާ
އެންޓި-ވައިރަސް ސޮފްޓްވެއަރ 'މެކަފީ"ގެ މޭސްތެރިޔާ ޖޯން މެކަފީ މަރުވެއްޖެއެވެ.
އުމުރުން 75 އަހަރުގެ މެކަފީ މަރުވީ، ބާރސެލޯނާގެ ޖަލުގައެވެ. 2020 ވަނަ އަހަރުގެ އޮކޮޓޯބަރ މަހު ސްޕެއިނުން ތުރުކީއަށް ފުރަން އުޅެނިކޮށް އޭނާ ހައްޔަރު ކޮށްފައިވަނީ މިލިއަނުން އާމްދަނީ ލިބޭއިރުވެސް، ހަތަރު އަހަރުވަންދެން ޓެކްސް ނުދައްކާ ކަމުގެ ތުހުމަތުގައެވެ. މެކަފީ މަރުވެފައިވަނީ، ސްޕެއިންގެ ކޯޓުން އޭނާ އެމެރިކާއަށް ބަދަލުކުރަން ނިންމިތާ މާގިނަ އިރުތަކެއް ނުވެއެވެ. އޭނާގެ މައްޗަށް އުފުލާފައިވާ ދައުވާތައް ސާބިތުވެއްޖެނަމަ ގާތްގަނޑަކަށް 30 އަހަރުގެ ޖަލު ހުކުމެއް އޭނާގެ މައްޗަށް އަންނާނެއެވެ.
ޖަސްޓިސް ޑިޕާރޓްމެންޓުން ބުނެފައިވަނީ، މެކަފީ ހޭނެތުމުން މެޑިކަލް ޓީމުން ފަރުވާދޭން މަސައްކަތް ކުރިނަމަވެސް އެކަން ކާމިޔާބު ނުވި ކަމަށެވެ. މެކަފީގެ ލޯޔަރުންނާ ހަވާލާދީ ރޮއިޓާރގައި ރިޕޯޓްކޮށްފައިވަނީ އޭނާ ޖަލު ގޮޅީގައި އަމިއްލައަށް ދަން ޖެހި މަރުވީ ކަމަށެވެ.
ޓެކްސް ނުދެއްކުމާއި، އޭނާގެ މުދާ ފޮރުވުމުގެ ތުހުމަތުތައް ވެސް ވަނީ ކޮށްފައެެވެ. ސްޕެއިންގެ ކޯޓުން އޭނާ އެމެރިކާއަށް ބަދަލުކުރުމަށް ނިންމީ ދައުވާތަކުގެ ޝަރީއަތްތައް ފެށުމަށެވެ. އަށް އަހަރު ވަންދެން ޓެކްސް ނުދައްކާ ކަމަށް ބުނެ 2019ވަނަ އަހަރު ކުރި ޓްވީޓެއްގައި މެކަފީ ބުނެފައިވަނީ، ޓެކްސްގެ ނިޒާމަކި ގާނޫނާ ޚިލާފުކަމެއް ކަމަށެވެ.
އަވަށްޓެރިއެއްގެ މަރުގެ މައްސަލާގައި 2012ވަނަ އަހަރު ގުއަންޓަމާލާގައިވެސް މެކަފީ ހައްޔަރު ކުރިއެވެ. އެހެންނަމަވެސް އެ މަރާ އޭނާއާ ގުޅުމެއް ނެތްކަމަށް ވަނީ ބުނެފައެވެ.
އިނގިރޭސިވިލާތަށް އުފަން މެކަފީ މީހުނަށް އެނގިގެން ދިޔައީ، އޭނާގެ ޓެކް ކުންފުނިން މެކަފީ އެންޓި-ވައިރަސް ރިލީޒް ކުރުމުންނެވެ.
