އިސްރާއީލުން އަންގާރަ ދުވަހު ބޭއްވި ހިނގާލުމާ ދެކޮޅަށް ގާޒާގައި ހިނގާލުމެއް ބާއްވައިފި

އިސްރާއީލުން އަންގާރަ ދުވަހު ބޭއްވި ހިނގާލުމާ ދެކޮޅަށް ގާޒާގައި ހިނގާލުމެއް ބާއްވައިފިއެވެ.

ފަލަސްތީނުގެ އެތައް ސަތޭކަ ރައްޔިތުން ބައިވެރިވި މި ހިނގާލުން ބާއްވާފައި މިވަނީ، އިސްލާރީލުން ދިން ހަމަލާތަކުގައި ގެއްލުންވެފައިވާ ގާޒާގެ މަގުތަކުގައެވެ. މި ހިނގާލުމުގައި ފަލަސްތީނުގެ 17 މީހަކު އިސްރާއީލް ސިފައިން ހައްޔަރު ކޮށްފައިވާ ކަމަށާއި، 33 މީހުންނަށް އެކިވަރުގެ އަނިޔާ ލިބިފައިވާ ކަމަށް އަލްޖަޒީރާގައި ރިޕޯޓް ކޮށްފައިވެއެވެ. މި މީހުން ހައްޔަރުކޮށްފައިވަނީ، ދަމަސްކަސް ގޭޓް ސަރަހައްދުންނެވެ. އިސްރާއީލް ސިފައިންވަނީ އެ ސަރަހައްދަށް ނުދެވޭނެހެން ބައެއް މަގުތައް ވެސް ބަންދު ކޮށްފައެެވެ.

ހިނގާލުމުގެ ބައިވެރިން އެ ސަރަަހައްދުން ދުރަށް ޖެއްސުމަށް އިސްރާއީލްގެ ސިފައިން ވަނީ ހަތިޔާރުގެ ބޭނުން ކޮށްފައެވެ. މި ހިނގާލުމުގައި ފަލަސްތީނުގެ ރައްޔިތުންވަނީ، ދާދި ފަހަކާ ޖެހެންދެން ބޮޑުވަޒީރު ކަމުގައި ހުންނެވި، ނަތަންޔާހޫގެ ފޮޓޯ ވެސް އަންދާފައެވެ. އަދި އައު ބޮޑުވަޒީރު ބެނެޓްގެ ފޮޓޯ ވެސް އަންދާފައިވެއެވެ.

އިސްރާއީލް ސިފައިން ބުނެފައިވަނީ، ފަލަސްތީނުގެ ރައްޔިތުން ހައްޔަރު ކޮށްފައިވަނީ އަމަނަށް ހުރަސް އެޅުމުން ކަމަށެވެ.

އިސްރާއީލްގެ ދިދަތައް ހިފައިގެން ޔަހޫދީން ކޮންމެ އަހަރަކު ބާއްވާ "މާޗް އޮފް ފްލެގް" ހަރަކާތަކީ، އިސްރާއީލުން ފަލަސްތީނުގެ ބައެއް ސަރަަހައްދު ތަކުގެ ބާރުވެރިކަން ނެގުން ފާހަަގަކޮށް ބާއްވާ ހިނގާލުމެކެވެ. މިފަަހަރުގެ ހިނގާލުން ބާއްވާފައި މިވަނީ އައު ބޮޑުވަޒީރު ހުވާކުރުމާއެކުގައެެވެ. ޔަހުދީންގެ މި ހިނގާލުމުގެ ބައިވެރިން ވަނީ އަރަބިން މަރަން ގޮވާފައެވެ. ޔަހޫދީންގެ މި ހަނގާލުމަށް އިސްރާއީލްގެ ސިފައިންވަނީ އެއްބާރުލުން ދީފައެެވެ.