ކޮވިޑަށް އިތުރު 295 މީހުން ޕޮޒިޓިވްވެއްޖެއެވެ.

ބުރާސްފަތި ދުވަހުގެ އިރުއޮއްސި 6:00ން ހުކުރު ދުވަހުގެ އިރުއޮއްސި 6:00އާ ހަމައަށް ނެގުނު 4736 ސާމްޕަލްގެ ތެރެއިން ޕޮޒިޓިވްވެފައިވަނީ 295 މީހުންނެވެ.

ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 138 މީހުންނާއި، ރަށްރަށުން ޕޮޒިޓިވްވި 146 މީހުންގެ އިތުރުން ރިސޯޓްތަކުން ޕޮޒިޓިވްވި 11 މީހުންނެވެ.

ހުކުރު ދުވަހުގެ އަދަދާއެކު މިހާތަނަށް ޖުމްލަ 69،831 މީހަކު ވަނީ ރާއްޖެއިން ކޮވިޑަށް ޕޮޒިޓިވްވެފައެވެ. އަދި މިހާތަނަށް ބަލިން ރަނގަޅުވީ މީހުންގެ ޖުމްލަ އަދަދު މިވަނީ 56،559ށް އަރާފައެވެ.

އެކްޓިވް ކޭސްގެ ގޮތުގައި ހިމެނެނީ 13،071 މީހުންނެވެ. މީގެ ތެރެއިން 111 މީހަކަށް އެޑްމިޓް ކޮށްގެން ދަނީ ފަރުވާ ދެމުންނެވެ. މި ބަލީގައި މިހާތަނަށް 192 މީހަކު ވަނީ ނިޔާވެފައެވެ.

އެޗްޕީއޭއިން އާންމުކޮށްފައިވާ މައުލޫމާތުތަކަށް ބަލާ އިރު، ނިޔާވި މީހުންގެ ތެރެއިން 93 އިންސައްތަ މީހުންނަކީ ދެވަނަ ޑޯޒް ފުރިހަމަކޮށްފައި ނުވާ މީހުންނެވެ.