ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ޔޫރޯ 2020ށް ޔޫރޯފޯރިއާ ޓީވީ ޕްރޮމޯޝަންގެ ނަމުގައި ހާއްސަ ޕްރޮމޯޝަނެއް ފަށައިފިއެވެ.

ޖޫން 10 ވަަނަ ދުވަހު އެސްޓީއޯ އިން ފެށިގެން އެއް މަސް ދުވަހުގެ މުއްދަތަކަށް ކުރިއަށްގެންދާ މި ޕްރޮމޯޝަންގައި ފިލިޕްސް، ސެމްސަން އަދި ހިޓާޗީ ޓީވީ ހާއްސަ އަގުތަކެއްގައި ލިބިގެންދާނެއެވެ. އަދި ޕިލިޕްސް ސައުންޑްބަރ ވެސް މި ޕްރޮމޯޝަންގެ ދަށުން ހާއްސަ އަގެއްގައި ލިބޭނެ ކަމަށް އެސްޓީއޯ އިން ބުނެއެވެ.

އޭގެ އިތުރުން އެސްޓީއޯގެ ސޯޝަލް މީޑިއާ މެދުވެރިކޮށް ހާއްސަ "ސޯޝަލް މީޑިއާ ކޮންޓެސްޓް" އެއް ކުރިއަށް ގެންދިއުމަށް ނިންމާފައިވާއިރު، މި މުބާރާތުގައި ބައިވެރިވާ ފަރާތްތަކުގެ މެދުުގައި ނެގޭ ލަކީޑްރޯގައި ބައިވެރިވެ 65 އިންޗީގެ ފިލިޕްސް އެލްއީޑީ ޓީވީއަކާއި ފްލިޕްސް ސައުންޑްބަރ އެއް ލިބުމުގެ ފުރުސަތު ވަނީ ހުޅުވާލާފައެވެ.

މިޕްރޮމޯޝަނާއި ބެހޭ އިތުރު މައުލޫމާތުތައް އެސްޓީއޯގެ ސޯޝަލް މީޑިއާ މެދުވެރިކޮށް ކަސްޓަމަރުންނާ ހިއްސާކުރަމުން ގެންދާނެ ކަމަށް އެކުންފުނިން ބުނާއިރު، މިޕްރޮމޯޝަންގެ ލަކީޑްރޯ ހޮވުންވެސް ކުރިއަށް ގެންދާނީ ސޯޝަލް މީޑިއާ މެދުވެރިކޮށެވެ.