ޤުރްއާނާބެހޭ މަރުކަޒުގައި ކުރިއަށް ގެންދާ ކޯސްތަކަށް ކުރިމަތިލުމުގެ ފުރުސަތު ހުޅުވާލައިފި
ޤިރާއަތު ސެޓްފިކެޓް-1، 2، އަދި 3 ފެށުމަށް ނިންމާފައިވޭ
ކީރިތި ޤުރްއާނާބެހޭ ޤައުމީ މަރުކަޒު،
ކީރިތި ޤުރްއާނާބެހޭ ޤައުމީ މަރުކަޒުގެ 2021 ވަނަ އަހަރުގެ ދެވަނަ ސެމިސްޓަރގައި ފެށުމަށް ނިންމާފައިވާ ކޯސްތަކަށް ކުރިމަތިލުމުގެ ފުރުސަތު ހުޅުވާލައިފިއެވެ.
ޤުރްއާނާބެހޭ މަރުކަޒުން ބުނީ 2021 ވަނަ އަހަރުގެ ދެވަނަ ސެމިސްޓަރގައި ފެށުމަށް ނިންމާފައިވާ ކޯސްތަކަކީ ޤިރާއަތު ސެޓްފިކެޓް-1، ޤިރާއަތު ސެޓްފިކެޓް-2، ޤިރާއަތު ސެޓްފިކެޓް-3 އަދި ޤާރީކަމުގެ އެޑްވާންސް ސެޓްފިކެޓެވެ.
8 ހަފްތާއަށް ކުރިއަށް ގެންދާ ޤިރާއަތު ސެޓްފިކެޓް-1ގައި 90 ޖާގަ، އެއް ސެމިސްޓަރއަށް ކުރިއަށް ގެންދާ ޤިރާއަތު ސެޓްފިކެޓް-2 ކޯހަށް 60 ޖާގަ، ދެ ސެމިސްޓަރއަށް ކުރިއަށް ގެންދާ ޤިރާއަތު ސެޓްފިކެޓް-2 ކޯހަށް 60 ޖާގަ އަދި ދެ ސެމިސްޓަރއަށް ކުރިއަށް ގެންދާ ޤާރީކަމުގެ އެޑްވާންސް ސެޓްފިކެޓް ކޯހަށް 60 ޖާގަ ވަނީ ހުޅުވާލާފައެވެ.
މިކޯސްތަކުގައި ބައިވެރިވުމަށް އެދޭ ފޯމު މަރުކަޒުގެ ވެބްސައިޓުން ޖޫން 09 ވާ ބުދަ ދުވަހުން ފެށިގެން ޑައުންލޯޑް ކުރެވެން ހުންނާނެއެވެ. ކޯހުގައި ބައިވެރިވުމަށް އެދޭ ފަރާތްތަކުން ޖުލައި 07 ވާ ބުދަ ދުވަހުގެ މެންދުރުފަހު 1:30ގެ ކުރިން އެޕްލިކޭޝަން ފޯމު ފުރިހަމަކުރުމަށްފަހު ލިބިފައިވާ ތައުލީމީ ސެޓްފިކެޓް ތަކުގެ ކޮޕީއާއެކު application@nchq.gov.mvށް މެއިލް ކުރުމަށް ވަނީ އެދިފައެވެ.
