ބުސްކެޓްސް ކޮވިޑަށް ޕޮޒިޓިވްވުން
ބުސްކެޓްސް ކޮވިޑަށް ޕޮޒިޓިވްވެ ޓީމާ ދުރަށް
 
ސްވިޑެން މެޗުގައި ބުސްކެޓްސްއަށް ކުޅުމުގެ ފުރުސަތު ވަރަށް ކުޑަ
 
ލިތުއޭނިއާއާ ދެކޮޅަށް ކުޅޭނީ ސްޕެއިނުގެ 21 އަހަރުން ދަށުގެ ޓީމު
ކ. މާލެ |
ސްޕެއިނުގެ ކެޕްޓަން ސާޖިއޯ ބުސްކެޓްސް
ގެޓީ އިމޭޖަސް

ކުރިއަށް އޮތް ޔޫރޯ ފުޓްބޯޅަ މުބާރާތުގައި ސްޕެއިން ކުޅެން އޮތް ފުރަތަމަ މެޗަށް ބާކީ އަށް ދުވަހަށް ވެފައި އޮއްވައި، އެ ޓީމުގެ ކެޕްޓަން ސާޖިއޯ ބުސްކެޓްސް ކޮވިޑް-19 އަށް ޕޮޒިޓިވްވެއްޖެއެވެ.

އުމުރުން 32 އަހަރުގެ ބުސްކެޓްސް ކޮވިޑަށް ޕޮޒިޓިވްވީ އަންގާރަ ދުވަހު ސްޕެއިނުން ލިތުއޭނިއާ އާއި ދެކޮޅަށް ކުޅޭ ބައިނަލްއަގުވާމީ އެކުވެރިކަމުގެ މެޗުގެ ކުރިން ހެދި ޓެސްޓުތަކުންނެވެ. އޭނާ ކޮވިޑަށް ޕޮޒިޓިވްވި ނަމަވެސް، ސްޕެއިނުގެ އެހެން ހުރިހާ ކުޅުންތެރިންނާއި އޮފިޝަލުން ވަނީީ ކޮވިޑަށް ނެގެޓިވް ވެފައެވެ.

ރިޕޯޓުތައް ބުނާ ގޮތުން ބުސްކެޓްސް ކޮވިޑަށް ޕޮޒިޓިވްވުމާއެކު ލިތުއޭނިއާއާ ދެކޮޅަށް ސްޕެއިނުން ކުޅެން އޮތް މެޗުގައި ދެން ކުޅޭނީ ސްޕެއިނުގެ 21 އަހަރުން ދަށުގެ ޓީމެވެ.

މި މަހުގެ 11 ވަނަ ދުވަހު ފަށާ ޔޫރޯގައި ސްޕެއިން ހިމެނިފައިވަނީ ގްރޫޕް އީ ގައެވެ. އެ ގްރޫޕުގައި ދެން ހިމެނެނީ ސްވިޑެންއާ، ޕޮލެންޑުގެ އިތުރުން ސްލޮވޭކިއާއެވެ.

މި މަހު 14 ވަނަ ދުވަހު ސްޕެއިނުން ސްވިޑެންއާ ދެކޮޅަށް ޔޫރޯގައި ކުޅޭ މެޗު ފެށެން މިހާރު ވަނީ ހަފުތާ އަކަށް ވެފައެވެ. އެހެންކަމުން ބުސްކެޓްސް ވައިރަހަށް ޕޮޒިޓިވްވުމާއެކު، އެ މެޗުގައި އޭނާއަށް ކުޅުމުގެ ފުރުސަތު ވަރަށް ކުޑަ ކަމަށް ރިޕޯޓުތައް ބުނެއެވެ. އެއަށްފަހު މި މަހުގެ 19 ވަނަ ދުވަހު ޕޮލެންޑާ ދެކޮޅަށް ސްޕެއިން ކުޅޭއިރު، ގްރޫޕް ސްޓޭޖުގެ ފަހު މެޗުގައި މި މަހުގެ 23 ވަނަ ދުވަހު ސްޕެއިން ނުކުންނާނީ ސްލޮވޭކިއާ ދެކޮޅަށެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: އިސްމާޢީލް ޝާހް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް
raajjemv logo

All rights reserved