އައްޑޫ އަދި ފުވައްމުލަކު ނޭޗަރ ޕާކް ކައުންސިލާއި ހަވާލުކުރުމާ ގުޅޭގޮތުން މަޝްވަރާކޮށްފިއެވެ.
އައްޑޫ ނޭޗަރ ޕާރކް ހިންގުން ސިޓީ ކައުންސިލާ ހަވާލުކުރުމާ ގުޅޭގޮތުން މިނިސްޓްރީ އޮފް އެންވަޔަރަންމަންޓާއި، އެންވަޔަރަންމަންޓަލް ޕްރޮޓެކްޝަން އެޖެންސީން އައްޑޫ ސިޓީ ކައުންސިލާ ވަނީ ބައްދަލުކުރައްވާފައެވެ. އޮންލައިންކޮށް ބޭއްވި މި ބައްދަލުކުރެއްވުމުގައި މާފިށި ކިޅި އާއި މަތިކިޅި ސަރަޙައްދު ބެލެހެއްޓުމާއި ގުޅޭގޮތުން ވަނީ މަޝްވަރާކޮށްފައެވެ.
މީގެ އިތުރުން، ފުވައްމުލަކު ސިޓީ ކައުންސިލާއި އެންވަޔަރމަންޓް ޕްރޮޓެކްޝަން އޭޖެންސީން ވަނީ ބައްދަލުވުމެއް ބާއްވާފައެވެ. މި ބައްދަލުވުމުގައި ފުވައްމުލަކު ނޭޗަރ ޕާރކް، ފުވައްމުލަކު ސިޓީ ކައުންސިލާ ހަވާލުކުރުމަށް މިހިނގާ ޖޫންމަހުގެ 5 ވަނަ ދުވަހު އެމް.އޯ،ޔޫގައި ސޮއި ކުރުމަށް ވަނީ ހަމަޖެހިފައެވެ. އަދި މީގެއިތުރުން ފުވައްމުލައް ކޮޑަކިޅިއަށް ދެވޭނެ ފަސޭހަ މަގެއް ހެދުމަށް ހަމަޖެހިފައިވެއެވެ. އަދި ފުވައްމުލަކުގައި ވައު ގިނަވުމުގެ ސަބަބުން ލިބެމުންދާ ގެއްލުންތަކާއި ގުޅޭގޮތުން މިބައްދަލުވުމުގައި މައުލޫމާތު ހިއްސާކޮށްފައިވެއެވެ.
