މިޔަންމާގައި ދެ ނޫސްވެރިއަކަށް ޖަލު ހުކުމްކޮށްފި
މިޔަންމާގައި ގެންދަނީ ނޫސްވެރިންނާއި ނޫސް އޭޖެންސީތަކަށް ހަމަލާދެމުން
މިޔަންމާގައި ބަޢާވާތާ ދެކޮޅަށް ކުރި މުޒާހަރާތަކުގެ ތެރެއިން
މިޔަންމާގައި ދެ ނޫސްވެރިއަކު ޖަލަށް ލުމަށް ހުކުމްކޮށްފިއެވެ.
ދޮގު ޚަބަރު ފަތުރާ ކަމަށް ބުނެ ޖަލަށް ލާފައިވަނީ ޑިމޮކްރެޓިކް ވޮއިސް އޮފް ބާރމާ އަދި މިޒިންމާ ނިއުސްގެ ދެ ނޫސްވެރިއެކެވެ. އަސްކަރިއްޔާއިން ވެރިކަން ކުރަމުން އަންނަ މިޔަންމާގެ ގާނޫނަށް އިސްލާހު ގެނެސް ދޮގު ޚަބަރު ފެތުރުން އެއީ ކުށެއްގެ ގޮތުގައި ވަނީ ކަނޑައަޅާފައެވެ.
މި ދެ ނޫސްވެރިން ވެސް ހައްޔަރު ކޮށްފައިވަނީ މިޔަންމާގެ ބަޢާވާތާ ދެކޮޅަށް ކުރިއަށް ގެންދިޔަ މުޒާހަރާތައް ކަަވަރުކުރުމުގެ ތެރެގައެވެ.
މިޔަންމާގެ ހަމަނުޖެހުމުގައި މަރުވި މީހުގެ އަދަދު 800އިން މައްޗަށް އަރާފައިވާއިރު އޭގެ ތެރޭގައި ސިޔާސީ ގޮތުން ހައްޔަރު ކޮށްފައިވާ މީހުންނާއިން ސަރުކާރާ އެއްކޮޅަށް ވާހަކަދައްކައިގެން އަނިޔާކޮށް މަރާލާފައިވާ މީހުން ހިމެނެއެވެ. މިހާތަނަށް 87 ނޫސްވެރިއަކު މިޔަންމާގެ އަސްކަރީ ސަރުކާރުންވަނީ ހައްޔަރުކޮށްފައެވެ. މީގެ ތެރެއިން ބައެއް ނޫސްވެރިންވަނީ ވަނީ މިޔަންމާއިން ބޭރު ވެސް ކޮށްފައެވެ.
ޖަލަށް ލުމަށް ހުކުމް ކޮށްފައިވަނީ މިޔަންމާގެ އަސްކަރިއްޔާގެ ކޯޓަކުން ބުދަ ދުވަހުއެވެ. މިޔަންމާގެ އަސްކަރިއްޔާއިން ނޫސްވެރިންނާއި ނޫސް އެޖެންސީތަކަށް ގެންދަނީ ހަމަލާ ދެމުންނެވެ. އަދި އިންޓަރނެޓާއި ސެޓެލައިޓް ޓީވީތައް ވެސް މިޔަންމާގައި ވަނީ މަނާ ކޮށްފައެވެ.
