ޖަލުގާޑެެއްގެ ފުރާނަ ސަލާމަތްކޮށްދޭން އެހީވި ހަ ގައިދީއެއްގެ އަދަބު ލުއިކޮށްދީފި

ހާޓް އެޓޭކެއް ކަމަށް ބެލެވޭ ކަމެއް ދިމާވި ޖަލު އޮފިސަރެއްގެ ފުރާނަ ސަލާމަތްކުރުމަށް އެހީވި އެމެރިކާގެ ހަ ގައިދީއަކަށް އެކަމުގެ އިނާމެއްގެ ގޮތުން އަދަބު ލުއިކޮށްދީފިއެވެ.

ޕޮލްކް ކައުންޓީގެ ޝެރިފް ޖޯނީ މޯޓްސް ވިދާޅުވީ ކުދި ކުށްތަކެއްގައި ތިބި ޖޯޖިއާގެ އެ ގައިދީންގެ ތެރެއިން އެންމެންގެ އަދަބުގެ 25 އިންސައްތަ ލުއިކޮށްދީފައިވާ ކަމަށެވެ.

ގާޑަށް މިކަން ދިމާވި އިރު އޭނާ ގެންދިޔައީ އާއްމު ސަހަރާއެއް ސާފުކުރަމުން ދިޔަ ގައިދީން ބަލަ ހައްޓަމުންނެވެ.

ގަދަ ހޫނުގައި ގައިދީން މަސައްކަތުގައި އުޅެނިކޮށް ފެނުނީ ގާޑު ވެއްޓުނުތަނެވެ.

ގާޑު ވެއްޓުމުން ގައިދީން ވަނީ ގާޑުގެ ފޯނުން ފުލުހުންނަށް ގުޅައި ސީޕީއާރު ދޭން ފަށާފައެވެ.

ވަޒަން ނާރާ ވެސްޓެއް ލައިގެން ގާޑު ހުރިއިރު އޭނާގެ އަތުގައި ފިސްތޯލަ ވެސް އޮތެވެ.

ގާޑުގެ އާއިލާގެ މެމްބަރަކު ވަނީ އެ ގައިދީންނަށް ޖެހިގެން އައިދުވަހު ޕިއްޒާ އާއި ކަޕްކޭކް ގެންގޮސްދީފައެވެ.