ކާފިއު ގަޑީގައި މަގުމަތީގައި އުޅުނު 100ށްވުރެ ގިނަ ބިދޭސީން ދެވަނަ ފިޔަވަހީގައި
ހަވާލުވާނެ މީހެއް ނެތްނަމަ އަނބުރާ ގައުމަށް ފޮނުވާލެވޭނެ
ހުއްދަ ނެތި ކާފިއު ގަޑީގައި ބޭރުގައި އުޅުނު ބައެއް ބިދޭސީން ހުޅުމާލެ ދެވަނަ ފިޔަވަށްސައް ގެންދަން ތައްޔާރުވެފައި
ކާފިއު ގަޑީގައި މަގުމަތީގައި އުޅުނު 106 ބިދޭސީއެއް ހުޅުމާލެ ދެވަނަ ފިޔަވައްސަށް ގެންގޮސްފައިވާ ކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން ބުނީ މިއީ ފާއިތުވި 3 ދުވަހު ވާރކް ވިސާ ނެތި ކާފިއު ގަޑީގައި ބޭރުގައި އުޅުނު ބިދޭސީން ކަމަށެވެ. އިމިގްރޭޝަނުން ބުނީ، މި މީހުންގެ ތެރެއިން ރެގިއުލަރައިޒޭޝަން ޕްރޮގްރާމްގައި ހިމެނޭ މީހުން މީހުންނާއި، އެމީހުންނާ ހަވާލުވާނެ ދިވެއްސެއް ހުރި ނަމަ އެމީހަކު ދޫކޮށްލާނެ ކަމަށެވެ. ބާކީ ތިބި މީހުން އަނބުރާ ގައުމަށް ފޮނުވާލާނެ ކަމަށް އިމިގްރޭޝަނުން މައުލޫމާތުދެއެވެ.
ކާފިއު ގަޑީގައި ވާރކް ވިސާ ނެތި މަގުމަތީގައި އުޅޭ ބިދޭސީންނާ މެދު ފިޔަވަޅު ނޭޅޭ ކަމުގެ ޝަކުވާ ބޮޑުވެގެންދިޔައެވެ.
މޯލްޑިވްސް ޕޮލިސް ސަރވިސް އާއި އިމިގްރޭޝަނުން ހިންގާ މި މިޕްރޮގްރާމަކީ އިކޮނޮމިކް މިނިސްޓްރީއާ ގުޅިގެން ކުރިޔަށްދާ ރެގިއުލަރައިޒޭޝަން ޕްރޮގްރާމުގެ ދަށުން ކުރިއަށް ގެންދާ ޕްރޮގްރާމެެކެވެ. މި ޕްްރޮގްރާމް ހިންގުމުގައި މޯލްޑިވްސް ޕޯޓްސް ލިމިޓެޑް، އެމްޕީއެލްއިން ވެސް ދަނީ އެހީތެރިވަމުންނެވެ. ވާކް ވިސާ ނެތި އަދި ކޯވިޑް-19އާ ގުޅިގެން ކަނޑަޅާފައިވާ ކާފިއު ވަގުތުގައި ޤަވާއިދާ ޚިލާފަށް މަގުމަތީގައި އުޅޭ ފަރާތްތައް ހިފަހައްޓައި ހުޅުމާލެ ދެވަނަ ފިޔަވަހީގައި ޤާއިމުކޮށްފައިވާ ޑިޓެންޝަން ސެންޓަރަށް ގެންދަން ފެށީ މެއި މަހުގެ 29 ވަނަ ދުވަހުން ފެށިގެންނެވެ.
މި މީހުންގެ ހުޅުމާލެ ދެވަނަ ފިޔަވަހީގައި ޤާއިމުކޮށްފައިވާ ޑިޓެންޝަން ސެންޓަރަށް ގެންދިއުމުގެ މަސައްކަތް ކުރަނީ އެމްޕީއެލްގެ އެހީތެރިކަމާއެކު އެމްޕީއެލްގެ ބަސްތަކުގައެވެ.
