ކ. މާލެ
|
31 މެއި 2021 | ހޯމަ 01:12
މި އަހަރުގެ އިންޑިއަން ޕްރިމިއާ ލީގު (އައިޕީއެލް) ގެ ތެރެއިން
މި އަހަރުގެ އިންޑިއަން ޕްރިމިއާ ލީގު (އައިޕީއެލް) ގެ ތެރެއިން
އޭއެފްޕީ
އައިޕީއެލް ޔޫއޭއީއަށް ބަދަލުކުރުން
އައިޕީއެލްގެ ބާކީ ހުރި މެޗުތައް ޔޫއޭއީގައި
 
ކޭސްތައް ގިނަވެ، އައިޕީއެލް މެދުކަނޑާލީ މި މަހުގެ ކުރީކޮޅު
 
ބާކީ އޮތް 31 މެޗު ކުޅޭނީ ސެޕްޓެމްބަރާއި އޮކްޓޫބަރުގައި

އިންޑިއާގައި ކޮވިޑް-19 ކޭސްތައް ގިނަވެ މީގެ ކުރިން މެދުކަނޑާލި މަޝްހޫރު ކްރިކެޓް ލީގު ކަމަށްވާ އިންޑިއަން ޕްރިމިއާ ލީގު (އައިޕީއެލް) ގެ ބާކީ ހުރި މެޗުތައް ޔުނައިޓެޑް އަރަބި އެމިރޭޓްސް (ޔޫއޭއީ) ގައި ކުޅެން ނިންމައިފިއެވެ.

ކޮވިޑުގެ ކޭސްތައް ގިނަވެ މި މަހުގެ ކުރީކޮޅު އައިޕީއެލް މެދުކަނޑާލަން ނިންމީ އެ ލީގުގެ ގަވާނިން ކައުންސިލާއި ބޯޑް އޮފް ކޮންޓްރޯލް ފޯ ކްރިކެޓް އިން އިންޑިއާ (ބީސީސީއައި) އިން ބޭއްވި ކުއްލި ބައްދަލުވުމަށް ފަހުގައެވެ.

އިޕީއެލްގައި ވާދަކުރާ ގިނަ ޓީމުތަކުން ކޮވިޑުގެ ޕޮޒިޓިވް ކޭސްތައް ފެނުންއިރު، އެކަން އައިޕީއެލްގެ ސަމާލުކަމަށް އައީ ރޯޔަލް ބެންގަލޫރު ޗެލެންޖް (އާރްބީސީ) އާއި ކަލްކަތާ ނައިޓް ރައިޑާސް (ކޭކޭއާރް) މެޗު ފަސްކުރަން ޖެހުމުގެ ސަބަބުންނެވެ. އެ މެޗު ފަސްކުރަން ޖެހުނީ ކަލްކަތާ ޓީމުގެ ތެރެއިން ކޮވިޑުގެ ކްލަސްޓާއެއް އުފެދުމުންނެވެ. އެގޮތުން އެ ޓީމުގެ ދެ ކުޅުންތެރިންގެ އިތުރުން ކޯޗާއި އޮފިޝަލަކު ކޮވިޑަށް މީގެ ކުރިން ޕޮޒިޓިވްވިއެވެ.

އައިޕީއެލް މެދުކަނދާލިއިރު 29 މެޗު ކުޅެފައިވާއިރު، ބާކީ އޮތް 31 މެޗު ސެޕްޓެމްބަރު މަހާއި އޮކްޓޫބަރު މަހު ޔޫއޭއީގައި ކުޅެން ބީސީސީއައިއިން މިހާރު ވަނީ ނިންމާފައެވެ.

މި އަހަރުގެ އައިޕީއެލްގެ ބާކީ ހުރި މެޗުތައް ޔޫއޭއީގައި ކުޅޭއިރު، ކޮވިޑާ ގުޅިގެން މިދިޔަ އަހަރުގެ މުބާރާތްވެސް ކުޅެފައިވަނީ ޔޫއޭއީގައެވެ. އަދި މީގެ ކުރިން 2014 ވަނަ އަހަރުގެ މުބާރާތުގެ އެއްބައިވެސް ވަނީ ޔޫއޭއީގައި ކުޅެފައެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް