ކ. މާލެ
|
3 ފެބްރުއަރީ 2017 | ހުކުރު 00:33
އޮފީސް ހޭންޑްބޯޅަ މުބާރާތުގައި ޕޮލިހާއި މޯލްޑިވް ގޭސް ބައްދަލުކުރި މެޗުގެ ތެރެއިން
އޮފީސް ހޭންޑްބޯޅަ މުބާރާތުގައި ޕޮލިހާއި މޯލްޑިވް ގޭސް ބައްދަލުކުރި މެޗުގެ ތެރެއިން
އަޒުމޫން އަހުމަދު
ހޭންޑްބޯލް
މިއަދުގެ މެޗުތައް ޕޮލިހާއި ފިނޭންސުން ކާމިޔާބުކޮށްފި
 
މުބާރާތުގައި މިރޭވެސް ދެ މެޗެއް ކުޅޭނެ
 
މުބާރާތުގައި ފިރިހެން 10 ޓީމާއި އަންހެން 4 ޓީމު ވާދަކުރޭ

މިހާރު ކުރިއަށްދާ ދެވަނަ އޮފީސް ކޮމްޕެނީ ހޭންޑްބޯޅަ މުބާރާތުގައި ބުރާސްފަތި ދުވަހު ކުޅުނު މެޗުތައް ޕޮލިސް ކްލަބާއި ފިނޭންސް މިނިސްޓްރީން ކާމިޔާބުކޮށްފި އެވެ.

މާފަންނު ސްޓޭޑިއަމްގެ ވެލި ދަނޑުގައި ކުރިއަށްދާ މި މުބާރާތުގައި މިއަދު ކުޅުނު ފުރަތަމަ މެޗުގައި ބައްދަލުކުރީ ފިރިހެން ޑިވިޝަނުގެ ޕޮލިސް ކްލަބާއި މޯލްޑިވްސް ގޭހެވެ. މި މެޗު ފޯރިގަދަ ކުޅުމަކަށްފަހު 30 ލަނޑު 20 ލަނޑުން ކާމިޔާބުކުރީ ޕޮލިސް ކްލަބެވެ. މެޗުގެ މޮޅު ކުޅުންތެރިޔާގެ މަގާމަށް ހޮވުނީ ޕޮލިސް ކްލަބުގެ އިސްމާއިލް އަހުމަދެވެ.

ޖުމްލަ 14 އޮފީހަކުން 10 އަންހެން ޓީމާއި 4 ފިރިހެން ޓީމު ވާދަކުރާ މި މުބާރާތުގައި މިއަދު ކުޅުނު ދެވަނަ މެޗުގައި ބައްދަލުކުރީ އަންހެން ޑިވިޝަނުގެ ފިނޭންސް މިނިސްޓްރީ އާއި ޓޫރިޒަމް މިނިސްޓްރީ އެވެ. މި މެޗު ވާދަވެރި ކުޅުމަކަށްފަހު 8 ލަނޑު 6 ލަނޑުން ކާމިޔާބުކުރީ ފިނޭންސް މިނިސްޓްރީ އެވެ.

މެޗުގެ މޮޅު ކުޅުންތެރިޔާގެ މަގާމަށް ހޮވުނީ ފިނޭންސްގެ މަލްހާ އާދަމެވެ.

މި މުބާރާތުގައި އޮފީސްތަކަށް ކުޅޭވޭނީ ހޭންޑްބޯލް މޯލްޑިވްސް އިން އެންމެ ފަހުން ސެލެކްޝަން ހަދާފައިވާ ގައުމީ ޓީމުގެ ކުޅުންތެރިންގެ ތެރެއިން ދެ ކުޅުންތެރިއަކަށެވެ.

މިއަހަރުގެ މުބާރާތުގައި ބައިވެރިވެފައިވާ ފިރިހެން ޓީމުތަކަކީ ޕޮލިސް ކްލަބު، އެމްޕީއެލް، ސްޓެލްކޯ އަދި ޓޫރިޒަމް މިނިސްޓްރީ އެވެ. މީގެ އިތުރުން މުބާރާތުގައި ވާދަކުރާ އަންހެން ޓީމުތަކަކީ އައިޖީއެމްއެޗް، އިމިގްރޭޝަން، ޕޮލިސް ކްލަބު، ޓޫރިޒަމް މިނިސްޓްރީ، ކަސްޓަމްސް، ވިލާ، އެޑިއުކޭޝަން، ޔޫތު މިނިސްޓްރީ، ފިނޭންސް މިނިސްޓްރީ އަދި އެސްޓީއޯ އެވެ.

މި މުބާރާތުގެ މިދިޔަ އަހަރުގެ އަންހެން ޗެމްޕިއަންކަން ހޯދީ ކްލަބު އިމިގްރޭޝަނެވެ. އަދި ފިރިހެން ޗެމްޕިއަންކަން ހޯދީ އެމްއެންޑީއެފެވެ.

އެންމެ ފަހުން އަޕްޑޭޓް ކުރީ: 17 ގަޑިއިރު ކުރި
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް