އިންފްލޭޝަން ހުންނާނެކަމަށް ލަފާކުރެވެނީ %2.3 އާއި %2.5 އާދެމެދު - މިނިސްޓަރ
29 މެއި 2021 | ހޮނިހިރު 08:022020 ވަނަ އަހަރުގެ އޭޕްރިލް މަހުން ފެށިގެން ރާއްޖޭގެ އަގުތައް ދަށްވަމުން ދިޔަ
ފިނޭންސް މިނިސްޓަރ އިބްރާހިމް އަމީރު
ރާއްޖޭގެ އިންފްލޭޝަން މިއަހަރު މަތިވާނެކަމަށް ފިނޭންސް މިނިސްޓަރ އިބްރާހިމް އަމީރު ވިދާޅުވެއްޖެއެވެ.
ނޫސްވެރިންނާ ބައްދަލުކުރައްވާ ވާހަކަދައްކަވަމުން މިނިސްޓަރ ވަނީ 2020 ވަނަ އަހަރުގެ ބޭސް އިފެކްޓްގެ ސަބަބުން 2021 ވަނަ އަހަރު ރާއްޖޭގެ އިންފްލޭޝަން މަތިވެ އިންފްލޭޝަން ހުންނާކަމަށް ލަފާކުރެވެނީ 2.3 އިންސައްތަ އާއި 2.5 އިންސައްތަ އާއި ދެމެދު ކަމަށް ވިދާޅުވެފައެވެ. ނަމަވެސް 2020 ވަނަ އަހަރުގެ އޭޕްރިލް މަހުން ފެށިގެން ރާއްޖޭގެ އަގުތައް ދަށްވަމުން ދިޔަކަމަށާއި 2021 ވަނަ އަހަރުގެ ފުރަތަމަ ތިން މަހުވެސް އަގުތައް ދަށްވި ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ރާއްޖޭގެ އިންފްލޭޝަނަކީ އިމްޕޯޓެޑް އިންޕްލޭޝަން ކަމުން ދުނިޔޭގެ ބާޒާރުގައި ތަކެތީގެ އަގު ހެޔޮވުމުން ރާއްޖޭގެ އަގުތައް ދަށްވެގެން ދިޔަ ކަމަށެވެ. އަދި ރޯދަމަހު ކާބޯތަކެތީގެ ތެރެއިން ބައެއް ތަކެތީގެ އަގު ސަރުކާރުން ކޮންޓްރޯލު ކުރުންވެސް ވެގެން ގޮސްފައި ވަނީ އަގުތަށް ނޫފުލި ދަށްވެގެން ދިޔަ މައިގަނޑު އެއް ސަބަބަށް ކަމަށް މިނިސްތަރ އަމީރު ވިދާޅުވިއެވެ.
އޭގެ އިތުރުން ކަރަންޓު ބިލްތަކުން ދިން ތިން މަހުގެ ޑިސްކައުންޓާއި ފެން ބިލްތަކުން ދިން ދެ މަހުގެ ޑިސްކައުންޓުގެ ސަބަބުން އަގުތައް މައްޗަށް އަރައިގެން ދިއުން ކޮންޓްރޯލް ކުރެވުނު ކަމަށާއި ސަރުކާރުގެ ލޯނު މޮރޮޓޯރިއަމްގެ ސަބަބުން ކުލިތައް ކުޑަކުރެވުނު ކަމަށް މިނިސްޓަރ ފާހަގަކުރެއްވިއެވެ.
މިނިސްޓަރ އަމީރު ވަނީ ރާއްޖެއަކީ މި އަހަރު އިގުތިސާދީ ކުރިއެރުން އެންމެ ރަނގަޅު އެއް ގައުމުކަން ފާހަގަ ކުރައްވައި ބަލިމަޑުކަމުގެ ހާލަތުން ރާއްޖެ އަދި މިންޖުވެފައި ނުވުމާއި، ކުރީގެ އިގުތިސާދުގެ ސައިޒަށް އަދި ރުޖޫއަވެފައި ނުވާތީ، މިއީ އިގުތިސާދަށް ސަޕޯޓް ދޭންޖެހޭ ވަގުތު ކަމަށް ވިދާޅުވެފައެވެ.
