ހއ އަތޮޅުން ފެށިގެން ދ އަތޮޅަށް ޔެލޯ އެލަރޓް، ތ އަތޮޅުން އައްޑޫ ސިޓީއަށް ވައިޓް އެލަރޓް
ހއ އަތޮޅުން ފެށިގެން ދ އަތޮޅާ ހަމައަށް ނެރެފައިވާ ޔެލޯ އެލަރޓްގެ މުއްދަތު ހުކުުރު ދުވަހުގެ ރޭ ދަންވަރު 2:00އާ ހަމައަށް ވަނީ އިތުރުކޮށްފައި
މާލެއަށް ވާރޭވެހި މަގުތަކުގައި ފެންބޮޑުވެފައި
ހއ އަތޮޅުން ފެށިގެން ދ އަތޮޅަށް ޔެލޯ އެލަރޓް، އަދި ތ އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ ހއ އަތޮޅުން ފެށިގެން ދ އަތޮޅާ ހަމައަށް ނެރެފައިވާ ޔެލޯ އެލަރޓްގެ މުއްދަތު ހުކުުރު ދުވަހުގެ ރޭ ދަންވަރު 2:00އާ ހަމައަށް އިތުރުކޮށްފައިވާ ކަމަށެވެ. މިވަގުތުތަކުގައި އެސަރަހައްދަށް ގަޑިއަކު 25 މޭލާއި 30 މޭލާ ދެމެދުގެ ބާރު މިނެއްގައި ވައި ޖެހޭނެކަމަށާއި، އަދި ކަނޑުތައް ގަދަވެ، އުދަ އަރާނެކަަމަށް ލަފާކުރެވޭ ކަމަށެވެ.
އަދި ތ އަތޮޅުން ފެށިގެން އައްޑޫ ސިޓީއަށް ހުކުރު ދުވަހުގެ ރޭ ފަތިހު 4:00އާ ހަމައަށް ވަނީ ވައިޓް އެލަރޓް ނެރެފައެވެ. އެ އިދާރާއިން ބުނީ މިވަގުތުތަކުގައި އެސަރަހައްދަށް ބޯކޮށް ވާރޭވެހުމާއެކު ގުގުރާނެކަމަށެވެ. އަދި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެކަމަށާއި އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށެވެ.
މީގެއިތުރުން ކަނޑުތައް ގަދަވެ އުދަ އަރާނެކަމަށް ބެލެވޭކަމަށްވެސް އެ އިދާރާއިން ހާމަކުރެއެވެ.
މިދުވަސްވަރަކީ ރާއްޖެއަށް މޫސުން ގޯސް ދުވަސްވަރަކަށް ވާއިރު އެކި ރަށްރަށަށް އުދަ އަރައި، އެކިވަރުގެ ގެއްލުންތައް ދަނީ ވަމުންނެވެ.
