ކ. މާލެ
|
29 މެއި 2021 | ހޮނިހިރު 01:05
ޖޫން 1 ވަނަ ދުވަހުން ފެށިގެން މެލޭޝިއާ ގައި ފުލް ލޮކްޑައުނެއް ތަންފީޒު ކުރަނީ
ޖޫން 1 ވަނަ ދުވަހުން ފެށިގެން މެލޭޝިއާ ގައި ފުލް ލޮކްޑައުނެއް ތަންފީޒު ކުރަނީ
ގޫގުލް
މެލޭޝިއާ ލޮކްޑައުން ކުރަނީ
މޭލޭޝިއާ ފުލް ލޮކްޑައުން އަކަށް ދަނީ
 
2،550 މީހުން މިހާތަނަށް ބަލީގައި މަރުވެފައިވޭ
 
ފުރަތަމަ މަރުހަލާގައި ފުރަބަންދު ކުރާނީ ޖޫން 14ވަނަ ދުވަހާ ހަމައަށް
 
ވިޔަފާރިތަކާއި އެހެނިހެން ޚިދުމަތްދޭ ތަންތަން ބަންދު

މެލޭޝިއާގައި ފުލް ލޮކްޑައުން އިއުލާން ކޮށްފިއެވެ.

ޖޫން މަހުގެ 1ވަނަ ދުވަހުން ފެށިގެން ދެ ހަފްތާގެ މުއްދަތަށް ލޮކްޑައުން އިއުލާން ކޮށްފައިވަނީ، ވިޔަފާރިތަކާއި އެހެނިހެން ޚިދުމަތްދޭ ތަންތަންވެސް ބަންދު ކުރާ ގޮތަށެވެ. ބޮޑުވަޒީރު މުހިއްޔިދީން ޔާސީން، މީޑިއާ މެދުވެރިކުރައްވައި މިކަން އިއުލާނު ކުރެއްވީ، ހުކުރުދުވަހުއެވެ.

މި މުއްދަތުގެ ތެރޭގައި ޚިދުމަތް ދެވޭނީ ނޭޝަނަލް ސެކިއުރިޓީ ކަައުންސިލުން ކަނޑައަޅާވަކި ތަންތަނަކުން ކަމަށާއި، މި ފިޔަވަޅު މިގޮތަށް އަޅަން ޖެހުނީ މެލޭޝިއާގައި ކޮވިޑް ކޭސްތައް އިތުރުވަމުން އަންނާތީ ކަމަށް އޭނާ ވިދާޅުވިއެވެ. މިހާރު ދުވާލެއްގެ މައްޗަށް 8،000 މީހުން ބައްޔަށް ޕޮޒިޓިވްވެގެން ރިޕޯޓު ކުރެއެވެ. މެލޭޝިއާގައި ކޮވިޑް ކޭސްތަކުގެ އަދަދު މިހާރުވަނީ 549،000ން މައްޗަށް އަރާފައެވެ. މަރުވި މީހުންގެ އަދަދަކީ 2550 އެވެ.

ލޮކްޑައުންގެ ފުރަތަމަ މަރުހަލާގެ 14 ދުވަހުގެ ތެރޭގައި ކޭސްތައް ދަށަށް ދާނަމަ، ދެވަނަ މަރުހަލާގައި އިތުރު ވިޔަފާރިތައް ހުޅުވައިގެން ޚިދުމަތް ދިނުމަށް ފުރުސަތު ދެއްވާނެ ކަމަށްވެސް އޭނާ ވިދާޅުވިއެވެ. ލޮކްޑައުންގެ ދެވަނަ މަރުހަލާ 4 ހަފްތާއަށް ދިގު ދެމިގެންދާނެއެވެ.

ދެވަނަ މަރުހަލާ ނިމި ތިންްވަނަ މަރުހަލާއަށް ދާއިރު ވިޔަފާރިތަކާއި އާއްމު އެއްވުންތަކަށް ފުރުސަތުދޭނެ ކަމަށް ބޮޑުވަޒީރު ވިދާޅުވިއެވެ. އެއްމަރުހަލާއިން އަނެއް މަރުހަލާއަށް ދާނީ، ހެލްތް މިނިސްޓްރީގެ ލަފަޔާއެކު، ކޭސްތައް އިތުރުވަމުންނުދާނަމަ ކަމަށްވެސް ވިދާޅުވެފައި ވެއެވެ.

މެލޭޝިއާގެ ސިއްހީ ނިޒާމް އޮތީ މިކަމަށް ތައްޔާރުވެފައިކަމުގެ ޔަގީންކަން ދެއްވަމުން އޭނާ އިތުރަށް ވިދާޅުވީ، އިތުރު ވެކްސިން ހޯދުމުގެ މަސައްކަތް މިހާރުވެސް ކުރައްވަމުންދާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޙުސައިން މަޚްތޫމް
0%
0%
100%
0%
0%
0%
ކޮމެންޓް