މާމިގިއްޔަށް އެތެރެކުރަން އުޅުނު ބިޔަރު ދަޅުތަކަކާއެކު މީހަކު ހައްޔަރުކޮށްފި
28 މެއި 2021 | ހުކުރު 12:00މި މައްސަލަ މާމިގިލި ޕޮލިސް ސްޓޭޝަނުން ދަނީ ތަހުގީގު ކުރަމުން
މާމިގިއްޔަށް އެތެރެކުރަން އުޅުނު ބިޔަރު ދަޅުތައް
މާމިގިއްޔަށް އެތެރެކުރަން އުޅުނު ބިޔަރު ދަޅުތަކަކާއެކު މީހަކު ހައްޔަރު ކޮށްފިއެވެ.
ބިޔަރު ދަޅުތަކަކާއެކު މީހަކު ހައްޔަރުކޮށްފައިވަނީ މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތުގެ ތެރެއިން އދ. މާމިގިލި ޕޮލިސް ސްޓޭޝަނުން ހިންގި އޮޕަރޭޝަނެއްގައެވެ. މި މައްސަލައާ ގުޅިގެން ހައްޔަރު ކޮށްފައިވަނީ 30 އަހަރުގެ ދިވެހި ފިރިހެނެކެވެ. އެމީހާ ހައްޔަރު ކޮށްފައިވަނީ ސަފާރީއަކުން ބިޔަރުދަޅުތަކެއް ހިފައިގެން ޑިންގީއެއްގައި މާމިގިއްޔަށް ދާކަމަށްލިބުނު މައުލޫމާތަކާ ގުޅިިގެން ހިންގި އޮޕަރޭޝަނުގައި އެ ޑިންގި ބަލައި ފާސްކޮށް މި މެއި މަހުގެ 25 ވަނަ ދުވަހުގެ 13:57 ހާއިރުއެވެ. ޑިންގި ބަލައި ފާސްކުރަމުން ދަނިކޮށް އޭގައިއޮތް ގޯންޏެއް މޫދަށް އެއްލައިލުމުން އެގޯނި ނަގައި ބެލިއިރު އޭގެ ތެރެއިން ބިޔަރު ކަމަށް ޝައްކުކުރެވޭ އެއްޗެއްހުރި 24 ދަޅު ފެނިފައިވެެއެވެ.
މި މައްސަލާއާ ގުޅިގެން ހައްޔަރު ކޮށްފައިވާ މީހާގެ ބަންދާމެދު ގޮތެއް ނިންމުމަށް މާމިގިލި މެޖިސްޓްރޭޓް ކޯޓަށް ހާޟިރުކުރުމުން މިނިސްޓްރީ އޮޕް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބަހެއްޓުމަށް 7 ދުވަހުގެ މުއްދަތެއް ދީފައިވެއެވެ. މި މައްސަލަ މާމިގިލި ޕޮލިސް ސްޓޭޝަނުން ދަނީ އިތުރަށް ތަހުގީގު ކުރަމުންނެވެ.
