ތިނަދޫ ހޮސްޕިޓަލުގައި ރާއްޖެޓީވީ އެޅުވުން އަދި ބެލުން ވެސް މަނާކޮށްފި
11 މެއި 2017 | ބުރާސްފަތި 13:45ލޯކަލް ކައުންސިލް އިންތިހާބުގައި ތިނަދޫ ހުރިހާ ގޮނޑިއެއް ކާމިޔާބު ކުރީ އެމްޑީޕީން
ތިނަދޫ ޑރ. އަބްދުއްޞަމަދު މެމޯރިއަލް ހޮސްޕިޓަލް
ގދ ތިނަދޫ ޑރ. އަބްދުއް ޞަމަދު މެމޯރިއަލް ހޮސްޕިޓަލުގައި ޓީވީއެމް ފިޔަވާ، އިތުރު ދިވެހި ދިވެހި ޗެނަލްތައް އެއްވެސް ގަޑިއެއްގައި އަޅުވައި އަދި ބެލުން މަނާކޮށްފި އެވެ.
އެނގިފައިވާ ގޮތުގައި އެ ހޮސްޕިޓަލުން އެގޮތަށް އަންގާފައިވަނީ އެ ހޮސްޕިޓަލުގައ ރާއްޖެޓީވީ އަޅުވާތީ އެވެ.
ތިނަދޫ ޑރ. އަބްދުއް ޞަމަދު މެމޯރިއަލް ހޮސްޕިޓަލުން އެ މެމޯ ނެރެފައިވަނީ އެ ހޮސްޕިޓަލުގެ ހުރިހާ ސެކްޝަންތަކާއި ސިއްހީ މަރުކަޒުތަކަށެވެ.
ހޮނިހިރު ދުވަހު ބޭއްވި ލޯކަލް ކައުންސިލްތަކުގެ އިންތިހާބުގައި ތިނަދޫ ކައުންސުލްގެ ހުރިހާ ގޮނޑިއެއް ކާމިޔާބު ކޮށްފައިވަނީ އިދިކޮޅު އެމްޑީޕީންނެވެ.
ތިނަދޫގައި ސަރުކާރުން ތަފާތު ގިނަ ޕްރޮޖެކްޓްތަކެއް ހިންގަމުންދާއިރު، ގިނަ ޕްރޮޖެކްޓްތަކަކީ ކުރީގެ ރައީސް މަހައްމަދު ނަޝީދުގެ ވެރިކަމުގެ ހިންގަމުންދިޔަ އަދި ހިންގުމަށް ނިންމާފައިވާ ޕްރޮޖެކްޓްތަކެކެވެ.
ލޯކަލް ކައުންސިލްތަކުގެ އިންތިހާބާ ދިމާކޮށް ނައިބު ރައީސް އަބްދުﷲ ޖިހާދުގެ އިތުރުން ގިނަ މިނިސްޓަރުން ތިނަދޫއަށް ވަޑައިގެން ކެމްޕެއިން ހަރަކާތްތައް ހިންގާފައިވެއެވެ.
ލޯކަލް ކައުންސިލްތަކުގެ އިންތިހާބުގައި ސަރުކާރު ނިސްބަތްވާ ޕީޕީއެމްއަށް މެޖޯރިޓީ ލިބިފައިވަނީ މަދު ކައުންސިލްތަކެއްގެ އެވެ. ގިނަ ކައުންސިލްތަކެއްގެ ސާފު މެޖޯރިޓީ ހޯދާފައިވަނީ އެމްޑީޕީންނެވެ.
ލޯކަލް ކައުންސިލްތަކުގެ އިންތިހާބުން ސަރުކާރަށް ނާކާމިޔާބު ވުމާއިގުޅިގެން، ސަރުކާރު ކުންފުނިތަކާއި ބައެއް އޮފީސްތަކުގެ ބައެއް މުވައްޒަފުން ވަކިކުރަމުންދާ ކަމުގެ މައުލޫމާތު ވެސް ވަނީ ލިބިފަ އެވެ.
