މާރިއާމް އޭނާގެ އާއިލާއާއެކު އުޅެމުން އައި ގެއަށް އަމާޒުކޮށް ހަމަލާ ދިނީ ކީއްވެގެން ކަމެއް ނޭގެއެވެ.
އަލާ އަބޫ ހާތިބް ދިޔައީ، އޭނަގެ އާއިލާއާއެކު އީދުގެ އުފާ ފާހަގަކުރަމުންނެވެ. އެހެންނަމަވެސް މި އުފާވެރިކަން ނިގުޅައިގަތީ، އީސްރާއީލުން ކުށެއްނެތް ގާޒާގެ ރައްޔިތުންނަށް އަމާޒުކޮށް ދެމުންގެންދާ ބޮމުގެ ހަމަލާތަކެވެ. މި ހަމަލާގެ ޝިކާރައަކަށްވެ އާއިލާގެ 10 މެމްބަރުން ވަކިވެ ދިޔައީއެވެ. ހަމަލާގައި ސަލާމަތްވީ، އަލާއާ އޭނޭގެ އެއްމެ ތުއްތު ދަރިފުޅު މާރިއާއެވެ. މާރިއާވެސް ދިޔައީ، އޭނާގެ އެއްބަނޑު އެއްބަފާ 4 ބެއިންނާއެކު އީދު ފާހަގަ ކުރަމުންނެވެ. އެވަގުތުކޮޅު ވެގެންދިޔައީ އެއްމެ ފަހު ފަހަރަށް ބޭބެމެންނާ ދައްތަމެން ފެންނާނެ ވަގުތަށެވެ. އެކުގައި ފާހަގަކުރެވޭނެ ފަހު އީދަށެވެ.
މި ކަންކަން ވެގެންދިޔައީ ކުޑަކުޑަ މާރިއާގެ ސިކުނޑިއަށް ކުޅަދާނަ ކަމަކަށް ނޫނެވެ. ހަމަލާދިން ވަގުތުން ފެށިގެން 4 އަހަރުގެ މާރިއާ މުޅިން ގަބު ވީއެވެ. އަނގައިން ނުބުނެއެވެ.
"ބޮން އެޅި ވަގުތުން ފެށިގެން މިހާތަނަށް މާރިއާ އަނގައިން ނުބުނޭ" އަލާ، މާރިއާގެ ބައްޕަ ބުންޏެވެ.
"ބޮން އެޅި ވަގުތު މާއިރާ ހުރީ ގޭގެ ތިންވަނަ ފަންގިފިލާގައެވެ. އަހަންނަށް މާރިއާ ފެނުނީ އެއްމެ ތިރިން. މިހާ ޅަ އުމުރުގައި މާރިއާއަށް ފެނުނީ އޭނާގެ ސިކުނޑިއަށް ކުޅަދާނަ ވާވަރަށްވުރެ ބޮޑު ކަމެއް"
ބޮމުގެ ހަމަލާގައި އަލާގެ އަންހެނުން، މާރިޔަމް މަންމަ، ޔާސްމީން އާއި އެއްބަނޑު އެއްބަފާ 4 ބެއިން ވެސް ޝަހީދުވީއެވެ.
އަލާ ގެއިން ނުކުމެގެން ދިޔައީ، ޕާނާއި ކުޅޭ ސާމާނާއި، ބައެއް ފޮނި ކާތަކެތި ގަންނާށެވެ. އެވަގުތު އެއްވެސް އިންޒާރަކާ ނުލާ އަލާގެ ގެއަށް ބޮން އެޅީއެވެ. އާންމުން ދިރިއުޅޭތަންތަނަށް ހަމަލާދޭކަން އަލާއަށް އެގިފައިނެތެވެ.
"މިއީ މިލިޓަރީ އިމާރާތްތަކެއްނަމަ މިތަނުގައި އަހަރެމެންގެ އާއިލާ ނުބައިތިއްބާނަން" ސްކައި ނިއުސްއާ ވާހަކަދައްކާފައިވާ އާންމު ރައްޔިތެއް ބުންޏެވެ.
